Eduki homofobo eta matxistak Osakidetzako oposizioetan

  • Gehitu elkarteak salatu du eduki LGTBIfobiko eta matxistak dituen liburu bat dagoela Osakidetzak bere Enplegu Publikorako Eskaintzan proposatu duen bibliografian. Bertan adierazten da, adibidez, homosexualitatea ez dela zerbait aldaezina, erasoak jasan ditzakeen emakumeak jakin behar duela “bere gorputzaren bidez zein mezu helarazten dion bikotekideari”, edota “itxura fisikoarekiko kezka” dela “emakumeen ahulguneetako bat”.

Mikel Garcia Idiakez @mikelgi
2018ko ekainaren 13a

“Ezin da pertsona baten sexua aldatu”

“Fisikoki oso politak ez diren neskatoen sexu-identitateari arreta handiagoa jartzea gomendatzen da”; “helduak kirurgia bidezko sexu aldaketan tematzen dira eta ez dute bestelako alternatiba terapeutikorik nahi. ‘Soluzio’ horiek arazo handiak dakartzate. Ezin dute sakoneko errealitatea aldatu, ezin baita pertsona baten sexua aldatu”; “gezurra da homosexualitatea zerbait osagarria eta aldaezina denik. Psikologikoki esku hartu daiteke faktore pertsonal eta ingurukoetan”. Horra Gehituk azpimarratutako hainbat pasarte, Osakidetzako oposizioetan Erizain kategoriarako proposatzen den La salud mental y sus cuidados liburutik hartuak.

“Emakumeen ahulguneetako bat itxura fisikoarekiko kezka da

Honakoak ere deituratu ditu Gehituk: “Emakumeen ahulguneetako bat itxura fisikoarekiko kezka da. Gizonak bereziki horri jartzen dio arreta eta hortik dator sexu femeninoak ematen dion garrantzia”; “azken urteetan alarma sozial handia dago, bikotekideek hildako emakumeen inguruan. Gogoetarako hainbat ideia: emakumeak bereziki sentsiblea izan behar du eta jakin behar du menpekotasun edo biolentzia zantzuak antzematen. Halaber, jakitun izan behar du, bere gorputzaren bidez zein mezu helarazten dion bikotekideari, eta horrek erreakzioak eta ondorioak ekar ditzakeela”

Aipaturiko liburuak “erakunde publiko batek inolaz proposatu eta partekatu ezin ditzakeen adierazpen eta ikuspuntu homofobo eta matxistak” jasotzen dituela-eta, liburua zerrenda bibliografikotik ezabatzeko eskatu dio Gehituk Osakidetzari, baita neurriak hartu daitezela ere, “erakunde publikoek ezaugarri hauek dituzten edukiak ez ditzaten zabaldu”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Osakidetza  |  LGBTI  |  Matxismoa  |  Homofobia

Osakidetza kanaletik interesatuko zaizu...
2018-11-13 | I˝igo Igartua
Osakidetzako Giza Baliabideen Saileko arduradun baten emaztea Larrialdi Zerbitzuetako zuzendari izendatu zuten

Monica Elena Zarate, Osakidetzan postu ziurrik gabe eta sektorean esperientziarik izan ez arren, ibilbide luzeko beste hainbat hautagaien aurretik aukeratu dute, eldiario.es-en jaso dutenez.


Felix Zubia Olaskoaga
"Medikuok hizketan gaztelaniazko hitz teknikoak erabiltzen ditugu eta lanean guztia gaztelaniaz idazten dugu"

Irailak 13 eta 14, Bilbo. Osasuna eta Hizkuntza jardunaldiak EHUko Udako Ikastaroetan. Hamarnaka lagun bildu ziren osasun arloan euskaraz lan egiteko bideak jorratzeko. Pazienteak sarri gaztelaniaz artatzen badira, osasun eremuan lan hizkuntza erabatekoa gaztelania da. Jardunaldiotan Bilbo Hiria Irratia izan zen eta hainbat hizlariri elkarrizketak egin zizkien. Horietako bat Felix Zubia Olaskoaga izan zen. Donostia Ospitaleko Zainketa Intentsiboetan mediku eta EHUko Medikuntza Fakultateko... [+]


2018-10-31 | ARGIA
Haur txikien bronkiolitisaren aurka botika gehiegi errezetatu ditu Osakidetzak

EITBk astearte honetan informatu duenez, Osakidetzako zenbait profesional proiektu batean parte hartzen ari dira, zeinak lortzen duen %50 gutxitzea haur txikien bronkiolitisa sendatzeko orain arte medikuek eman duten botika kopurua.


2018-10-31 | ARGIA
Kargua utzi du lan-jazarpenagatik salatu zuten Jaurlaritzako Osasun Publikoko zuzendariak

Miren Dorronsoro, Eusko Jaurlaritzako Osasun Publikoko zuzendariak kargua utzi du astearte honetan, berak hala eskatuta eta erretiroa hartzen duela argudiatuta. Bertsio ofizialak hori badio ere, duela zenbait egun jakin zen funtzionario batzuek salaketa jarri ziotela “indarkeria psikosoziala” leporatuz.


2018-10-10 | ARGIA
Osakidetzako oposizioetan iruzurraren "begi-bistako susmoak" daudela dio barne txosten batek

Osakidetzako lan eskaintza publikoan izandako iruzurrari buruzko txostena aurkeztuko du asteazken honetan Jon Darpon Osasun sailburuak EAEko Legebiltzarrean. Darponek iruzurraren “frogarik ez dagoela” esaten jarraitzen du, baina zenbait pertsonari azterketak aurrez pasa zitzaizkiela pentsatzeko geroz eta datu gehiago dago.


Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

Hemeretzi kategoriatan jarri zituzten salaketak eta zortzi bakarrik ikertu dituzte.


Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.


Itzultzaile automatikoa

Pablo Llarena epailearen demandak agerian utzi digu itzulpenaren garrantzia. Itzulpen txar baten eraginez, baldintza den esaldia baiezko bihurtzen bada, ondorio juridikoak oso desberdinak izan daitezke.


2018-07-23 | Nahia Ibarzabal
Osakidetzako oposizioei buruzko ikerketa batzordea eskatuko du EH Bilduk

EH Bilduko 18 legebiltzarkideen sinadura duen eskaria astelehenean erregistratuko dute, Maddalen Iriarte legebiltzarkideak Euskadi Irratiko Faktoria saioan azaldu duenez.


Azkenak
EGILEA
Eguneraketa berriak daude