Echo aparailuekin zuri entzundakoa beste batzuei saltzen die Amazonek
Kriptografian eta zibersegurtasunean berezitutako informatikari talde batek ikerketa argitaratu du, askok susmatutakoa baieztatuz: ahots aginduei erantzuten duten aparailuek entzun egiten zaituzte (logikoki), horren arabera zure jarraipena egiteko, zure profil bat sortzeko, eta iragarki pertsonalizatuak bidaltzeko, baina ustez ziurtatzen duten baldintza bat hautsiz: beste batzuei pasatzen dizkiete datu horiek. Amazon enpresaren Alexa zerbitzuetan eta Echo aparailuetan oinarritu dute ikerketa eta han ekosistema horretan aurkitu dituzte frogak.
Ikerketak dio Amazonek bere Echo aparatuko ahots-datuak erabiltzen dituela bere plataformetan eta sarean iragarkiak zerbitzatzeko. Erabilpen baldintza ofizialak ere aztertu dituzte, eta ondorioztatu Amazonek hau egiten duen modua bere pribatutasun politikekin bateraezina dela.
Amazonek datuak partekatu egiten ditu 41 iragarle-plataforma edo zerbitzurekin, eta hauetan interes bizia dago Echo/Alexa zerbitzua erabiltzeko: bide honetatik zerbitzaturiko iragarkiak %30 garestiago ordaintzen dita, eta horrek erakutsiko luke "entzumenaren" bidez zehaztutako profila errentagarria dela iragarleentzat.
30 laguneko talde bat hartu zuten lanerako ikerlariek, AEBetako Universit of Washington, UC Davis eta UC Irvine zentroetakoek. Bakoitzak interes jakin batzuen araberako interakzioak izan behar zituem Echo makinekin, eta "kontrol" pertsona bat zegoen interes edo gai difuso edo zuriak zituenak, ez espezifikoak.
Aurkitu zutenagatik, elkarrizketa arruntak dituztenean pertsonek Echoren aurrean, horrek ez luke iragarkirik sortuko: hau da, horretan bederen Amazonek ez zaitu espiatzen, nonbait. Bakarrik Echori edo Alexari zuzenean egindako eskaerak dira iragarki-sortzailea (adibidez, "Alexa, aurki iezaizkidazu espiritualitateari buruzko podkastak").
Baina Amazonek beste gauza batean gezurra dio: zerbitzu baldintzen arabera, Amazon zerbitzuetan iragarkiak jaso daitezke Echoren bitartez, ez zaizkio datuak beste inori saltzen; baina ikerlariek aurkitu dute ezetz. Echo edo Amazonen zerbitzuetatik aparte, nabigatzen bazabiltza X webgunetan, agertuko zaizkizun iragarkiak, Amazon ez diren zerbitzuek emandakoak, zuregana bereziki zuzenduak daude, eta hortaz Amazonek partekatu egiten du Echo bidez entzundakoa beste erakunde batzuekin.
The Verge agerkariak Amazonen bozeramaileen mezu batzuk bildu ditu, non entzuketa defenditzen duten ikerketaz galdetu zaienean, baina gezurtatzen duten ikerketak aurkiturikoa, datuak beste batzuei pasatu edo saltzen dizkietela.
Unibertsitateko ikerketa aurkituko duzue hemen: https://arxiv.org/abs/2204.10920
Datu-bilketa masiboari eta pribatutasunaren urraketei buruz hitz egitean mugikorrak, ordenagailuak, telebista eta bozgorailu adimendunak… etortzen zaizkigu burura. Inor gutxik aipatuko ditu autoak. Hala ere, gaur egun sentsore, kamera eta mikrofonoz betetako gurpildun... [+]
X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.
Europako Batzordeak martxan jarri berri du AEBetara egindako datu pertsonalen transferentzia arautzeko Trans-Atlantic Data Privacy Framework marko juridikoa. Aurrez egon diren beste biak atzera bota zituzten europar auzitegiek, ez zutelako eskaintzen herritarren datuak babesteko... [+]
Facebook, Instagram eta Whatsapp-en jabe den Meta multinazionalak Threads izeneko mikroblogintza sare sozial berria aurkeztu du. Oraingoz ez dute erabilgarri jarri Europar Batasunean, aplikazioak egiten duen datu-bilketa izugarriaren ondorioz europar pribatutasun legeekin... [+]
2023. urtea. Internet guztia GAFAM inperioaren kontrolpean dago. Guztia? Ez. Herri txiki batzuek zapalkuntzari aurre egiten diotelako. Eta herri horietako batzuk elkartzen hasi dira eta “Fedibertsoa” osatu. Twitter eta Reddit-eko gatazken ondorioz, Fedibertsoa fama... [+]