ARGIA.eus

2022ko urtarrilaren 22a

EAErako Hezkuntza Legea legegintzaldi honetan gauzatzea eskatu dute ikastolek

  • "Legegintzaldi honetan EAErako Hezkuntza Legerik onartzen ez bada, porrot itzela izango da, guzti-guztiontzat". Hala mintzatu da Koldo Tellitu Ikastolen Elkarteko lehendakaria, ikastolen hasiera ekitaldian.

Mikel Garcia Idiakez @mikelgi
2016ko irailaren 26a

Lege hori aurrera ateratzea Heziberri planaren hirugarren fasea litzateke eta desadostasun nabariak sortu ditu eskola publiko eta kontzertatuaren artean. Tellituren esanetan, “legea lortzeko guk baino presa gutxiago daukaten eragileak badira, baina ezin dugu legegintzaldi hau galtzen utzi. Ezinbestekoa da eragileon parte-hartzea, eta adostasunak bilatzea ere bai. Eztabaidatzeko prest gaude, baldintzarik gabeko eztabaida nahi dugu, betorik gabekoa, zabala eta sakona”.

Bestalde, Nafarroako Gobernu berriak hainbat aurrerapauso eman izana txalotu du Ikastolen Elkarteko lehendakariak, besteak beste aurreko gobernuak ikastolen ikas-materialei ezarritako debekua altxatu izana eta eremu ez euskaldunean ikastoletako jangela eta garraioaren finantzaketan urratsak eman izana. “D eredua eremu horretako ikastetxe publikoetara hedatzeko orduan, eman beharreko pausoak hezkuntza komunitatearekin adostea eta era orekatuan ematea” eskatu du, “batzeko eta gehitzeko bidea” hartzeko, “ez zatitzeko”.

Iparraldean Seaskak izan duen hazkundea ere azpimarratu du: 2009. urtean 2.200 haur izatetik gaur egungo 3.500 ikasleetara.

“LOMCEri aurre egiteko aukera galdu da”

Eusko Jaurlaritzaren Heziberri planaz adierazi du hezkuntza markoa eragile ia guztiekin adostu izana lorpena izan dela, baina curriculum dekretuak deitoratu ditu, LOMCEri aurre egiteko aukera galdu delakoan.

Bullying-ari aurre egiteko programa, 52 ikastolatan

Berritzen, hobetzeko lelopean eta berrikuntza pedagogikoak nabarmenduz ospatu dute ikastolek ikasturte berria: euskal curriculumean eta konpetentzietan oinarritutako eredu pedagogikoa maila gehiagotara zabaltzen ari direla jakinarazi du Tellituk, baita ere urtarriletik aurrera eskola jazarpenari aurre egiteko KIVA programa jarriko dutela martxan 52 ikastolatan.

Kanal hauetan artxibatua: Ikastolak  |  LOMCE legea  |  Heziberri 2020

Ikastolak kanaletik interesatuko zaizu...
Ikastolen Elkartea: "Ez gaude prest ez dagozkigun ardurak hartzeko"

Ikastetxeetan pandemiaren kudeaketa gero eta zailagoa egiten ari zaiela eta baliabideak behar dituztela adierazi du Ikastolen Elkarteak: “Inpotentziaz eta nekez bizitzen ari gara ematen ari diren hainbat egoera eta ez dagozkigun ardurak hartzen ari gara gure gain... [+]


2022-01-13 | ARGIA
Azterketak euskaraz pasatzearen alde, urteko lehen ekintzak ostiralean

Baionan, Kanbon, Donapaleun eta Donibane Lohizunen eginen dituzte elkarretaratzeak urtarrilaren 14an.


Murgiltze ereduarekin jarraitzea posible izango da Frantziako Estatuan

Murgiltze eredua legezkoa da Frantziako Estatuan, Hezkuntza ministerioak aldizkari ofizialean argitara eman duen zirkularraren arabera, eta ikastetxeek erabaki beharko dute zein mailetan erabiltzen duten bertako hizkuntza.


Ikoitz Arrese
"Bi arazo larri irtenbide bidean jarri behar ditu hezkuntza akordioak: euskalduntzea eta segregazioa"

EAErako Hezkuntza Legea helburu, hezkuntzan akordioa lortzeko bidea hasi dute Eusko Legebiltzarreko alderdiek. EH Bilduk bere hezkuntza proposamena aurkeztu du, Euskal Herri osoa xede duen arren abiapuntua EAEn jarrita. Hautsak harrotu dituen proposamenaz, publikotasunaren... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude