EAEko jarduera fisikoaren eta kirolaren lege berria bidean da

  • EAEko jarduera fisikoaren eta kirolaren lege berriaren aurreproiektua aurkeztu dute. Herritarren jarduera fisikoa sustatzea du helburu nagusietako bat eta 0-6 adin tartea ere aintzat hartzen du, lehen aldiz.


2021eko urriaren 19an - 08:25
Azken eguneraketa: 10:55
Kultura sailburu Bingen Zupiriak eta Kirol zuzendari Jon Redondok aurkeztu dute legearen aurreproiektua. Argazkia: irekia.eus.

Kultura eta Hizkuntza Politikako sailburu Bingen Zupiriak eta Jarduera Fisikoaren eta Kirolaren zuzendari Jon Redondok Euskadiko jarduera fisikoaren eta kirolaren Legearen aurreproiektua aurkeztu dute. Honek EAEn jarduera fisikoa eta kirola sustatzeko eta arautzeko aukera emango du eta berritu egingo du bi hamarkadatik gora indarrean daraman Kirolaren 14/1998 Legea, ekainaren 11koa.

Legeak indartu nahi dituen ildoak

Lege berri honetan protagonismo berezia hartzen dute honako hauek: jarduera fisikoa eta kirola sustatzea; kirol inklusiboago bat lortzeko helburua; gobernantza onaren ereduak barneratzea; desberdintasunak errotik erauztea; emakumezko kirola sustatzea; kirol-erakundeetan organo paritarioak edukitzeko betebeharra; obesitatearen eta sedentarismoaren aurkako borrokan eta bizi-ohitura osasungarriak sortzeko zereginean administrazio publikoek betetzen duten rola argitzea, eta kirol federatuaren egiturei dimentsio berri bat ematea eta haiek arrazionalizatzea. Legeak zeharlerro moduan jasotzen ditu genero-ikuspegia eta sexu/genero dibertsitatea, politika publiko guztiak gidatu behar dituen printzipio gisa.

Lehentasuna ematen dio herritarrek jarduera fisikoa egiteari, gizarte aktiboagoa lortzeko. Horretarako, Jarduera Fisikoaren Euskal Agentzia sortuko da, kirol-arloan eskumena duen Herri Administrazioko sailari atxikita, eta haren helburua, besteak beste, jarduera fisikoa sustatzeko politikak planifikatzea eta koordinatzea izango da. Gainera, bere erronken artean, Euskadiko kirol zerbitzu publikoetan sartzeko kirol txartel bakarra bultzatzea egongo da.

Legeak azpimarratzen du jarduera fisikoa eta kirola sustatzeko hainbat sektoreren parte-hartzea garrantzitsua dela, osasun eta hezkuntza arlokoak, besteak beste, "sektore bati baino gehiagori dagokielako euskal gizarte aktiboago bat lortzeko erantzukizuna". Lege berriak ere udalerria hartzen du jarduera fisikoa eta kirola sustatzeko ardatz nagusitzat, herritarrengandik gertuen dagoen administrazioa delako, baita kirol-arloko ekipo, espazio eta zerbitzu gehienen titularra ere.

Eskola-adineko jarduera fisiko eta kirolean, 0-6 adin tartea ere jasotzen du Legeak, lehen aldiz.

Aukera berdintasunei begira

"Lege berriak desgaitasuna edo dibertsitate funtzionala duten pertsonen erabateko inklusioa lortu nahi du, eta kolektibo horren oinarrizko eskubideen errespetua bermatzeko oztopoak ezabatzen saiatzen da", Jaurlaritzaren adierazpenen arabera.

Etorkizuneko legeak indarkeria, xenofobia eta intolerantzia prebenitzeko neurriak ere bultzatuko ditu eta baita zigorrak ere: besteak beste, arrazismoa, xenofobia, sexu-orientazioagatiko, genero-identitateagatiko edo arrazoi erlijiosoengatiko diskriminazioa arau-haustea izango da eta  ondorioak ekar ditzakete, adibidez, lizentzia behin betiko etetea, 6.000 eta 60.000 euro bitarteko isunak, kirol-esparruak ixtea edo desgaitzea.


Kanal honetatik interesatuko zaizu: Kirola
Onintza Enbeita: "Erasotzailea inpunitate osoz mugitzen den bitartean, biktima beldur da kalera bakarrik ateratzeko"

Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]


Gabarra, tabarra... eta emakumeak zer?

Aste batzuk igaro dira zoramen kolektibo zuri-gorritik eta, bai, badakit, azken ordukoa ez izateaz gain, gaiarekin gogaituta gaude gutariko asko. Gaur dut, ordea, artikulu hau idazteko data eta tabarra mundialaz geroztik nabil hurrengo hitzok idazteko, oihukatzeko, goitikatzeko... [+]


Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Mozkor Frentekideok pala txapelketak 10 urte
Donostiako Herrerako emakumeak harmailetatik kantxara

Hamar urte dira Donostiako Herrera auzoko emakumeen pala txapelketa abiatu zutenetik. Mozkor Frentekideok txapelketa 1987. urtean sortu zen, baina 2014an emakumeek harmailak utzi eta frontoiaren erdigunea hartu zuten.


2024-05-08 | Jon Alonso
Txapeldunak

Euskal herritar gehienak bezala, Athleticen alde nengoen ni lehengoan, zalantzarik gabe. Euskal herritar gehienak bezala? Beharbada ez dago hain argi hori. Gipuzkoa aldean zer uste duten alde batera utzita –denetarik izango da, noski–, gehiegi bilatu gabe gazte... [+]


Eguneraketa berriak daude