EAEko hezkuntza publikoak badu aurre-akordioa
EAEko irakaskuntza publikoko baldintzak hobetzea helburu izan duten urtebeteko mobilizazioen ostean, LAB, STEILAS, CCOO eta UGTk aurre-akordioa sinatu dute Eusko Jaurlaritzarekin. ELA sindikatuak ez du bat egin aurre-akordioarekin eta mobilizazioekin jarraitzeko asmoa agertu du.
Akordioa ona dela eta balorazio positiboa egiten dutela kontatu digute LABetik: "Abiapuntu bat markatzen du eta pozik gaude". STEILAS sindikatuarentzat ere, aurre-akordioak "ahuleziak baditu ere, argi dugu arduragabekeria hutsa litzatekeela langile eta ikastetxe askoren onura dakarten neurriak bertan behera gelditzea".
Neurri horien artean daude, besteak beste, honakoak:
· Bajak ez dira zigortuko.
· Ordezkapenak lehen egunetik beteko dira.
· Haur Hezkuntzako 3 urteko geletan plantillak indartuko dira.
· Lehen Hezkuntzako eta Bigarren Hezkuntzako plantillek baliabide gehigarriak jasoko
dituzte, eta horren ondorioz, egoera zailenean dauden 150 ikastetxe baino gehiagok irakasle-ikasle ratioak hobetuko dituzte.
· 60 urtetik gorako irakasle funtzionario karreradunek heren bateko murrizketa izango dute ordu lektiboetan.
· Familia kontziliaziorako baimen berriak langile guztientzat.
· Ordezkoei jardunaldia osatzea baimenduko zaie (bateragarritasuna).
· Lanbide Heziketan 116 langile gehiago egongo dira, eta euskalduntze planean sakonduko da.
Dena den, bai LABek bai STEILASek adierazi dute negoziatzen jarraituko dutela. LABek nabarmendu du 60 urtetik gorako bitarteko irakasleen kasuan ere jardun murrizketa lortzea dutela helburu nagusietakoa, eta STEILASek aipatu du zehazteko geratu dela, esaterako, geletako ratioa %10 jaistea.
Mobilizazioekin jarraitzen saiatuko da ELA
ELAk ez du aurre-akordioa sinatu, “hezkuntza publikoaren egoera larriari” ez diola erantzuten iritzita. Honakoak aipatu ditu, besteak beste: “Jaurlaritzaren proposamenak behin-behinekotasun tasa % 28an utziko luke legealdiaren amaieran, sindikatuok aldarrikatutako % 6tik urrun”; plantilla handitzeko eskaerari “modu mugatuan” erantzuten dio; “irakasleek %15eko eroste ahalmenaren galera izan dute” eta horri ez zaio konponbiderik ematen, ezta erretirorako pizgarriak berreskuratzeari buruz ere. Hori dela-eta, “ELAk ahalegin guztiak egiten jarraituko du Jaurlaritza gure aldarrikapenei erantzutera behartuko duen mobilizazio dinamika bultzatzeko”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Hezkuntzako oposaketak abiatu dira EAEn, eta asko dira haserre dauden irakasleak. Hainbat arlotan, eskainitako plazak ez dira beteko, lehenengo fasean bertan gutxiago izan direlako azterketa gainditzea lortu dutenak. Hala gertatu da, adibidez, Historian, Fisikan edo Matematikan (eskainitako plazen herenak baino ez du gainditu lehenengo azterketa, gutxi gorabehera), eta Teknologiako 60 plazetarako 60 irakaslek egin dute aurrera lehenengo fasean. 2016an ere berdin gertatu zen, eta orduan... [+]
Hezkuntza laikoa bakarrik da askotariko herritarron askatasun bermea. Hezkuntza laikoak soilik erantzuten dio herritar guztion kontzientzia askatasun beharrei, eta jendarte guztiaren aniztasun ideologiko, sozial zein politikoei adierazpide demokratikorako bide ematen dio.
Herri-bizitzaren motor eta bihotz, haurrak aniztasunean eta herriarekin eta naturarekin harreman estuan hezteko eredu aproposa dira eskola txikiak. Bai pedagogikoki, bai auzo eta herrietako komunitatean duten garrantzia aldarrikatzeko, aurten ere Gipuzkoako Eskola Txikien Jaia ospatuko dute, datorren igandean, Zumaiako Oikia auzoan.
Euskal eskola publikoa hezkuntza sistemaren erdigunea izatea aldarrikatu zuten EHIGEko kideek.
Berria-n agertu zen: Gasteizko eskoletan segregazioa dago. Euskaltzaindiaren definizioan, Gasteizen ikasleek bere arraza, egoera sozial, sexu edo erlijioagatik bereizkeria pairatzen dute.
Igandean, ekainaren 3an, Lekeition ospatuko da euskal eskola publikoaren 27. jaia, 1994tik Euskal Eskola Publikoaren jaia ospatzen dute guraso elkarteek hezkuntza komunitateko gainontzeko kideekin batera, eskola publikoa hezkuntza sistemaren ardatza izan behar dela aldarrikatzeko asmoz.
Eskola segregazioaren aurkako aldarrikapenak Gasteizko kaleak hartu ditu. Izan ere, Ehunka gasteiztarrek parte hartu zuten atzo hezkuntza eredu inklusibo baten aldeko martxa batean, Euskal Eskola Publikoaren Aldeko Plataformak egindako deialdiari erantzunez. 60 elkartek baino gehiagok bat egin dute martxarekin. Bertan salatu dute euskal eskola publikoan bizi den segregazioa, eta egoerari aurre egiteko neurriak exijitu dizkiote Hezkuntza Sailari.
Eskola Publikoaren Aldeko Plataformak antolatu du protesta, besteak beste, azken bi urteetan Eusko Jaurlaritzak eskola publikoarekiko erakutsitako “utzikeria” salatzeko. Doakotasuna, aukera berdintasuna eta laikotasuna izango dira aldarri nagusiak.
Iruñeko Antoniutti parkean Sortzen Jaia ospatu da gaur. Milaka eta milaka lagun batu dira euskararen ofizialtasuna eta hezkuntza publikoaren alde.
Ekainaren 3an ospatuko da Lekeition Euskal Eskola Publikoaren aurtengo festa "Zapran gagoz" lelopean. Bideoklipa osatu dute Xabier Amurizaren hitzek eta Unai Egia eta Iñigito "Txapelpunk"en musikak lagunduta.
Ekoizpen artistikoa, grabaketa eta muntaia: Xabier Villalba (Traola produkzioak). Bideoklipean parte hartu dute Lekeitioko haur eskola, eskola eta institutuko ikasle, irakasle eta gurasoek, baita hainbat herritarrek ere.
