EAEko 251 udaletako eta foru aldundietako langileek lanuzteak egingo dituzte
Otsailaren 28an 30.000 langile inguru lau orduko lanuztera deitu dituzte ELA eta LAB sindikatuek.
Administrazioan dagoen behin-behinekotasun tasa handiarekin amaitzea eskatzeko hasiko dute borroka, orain %36koa da tasa hori eta sindikatuen ustez %6ra jaitsi daiteke, Eudelekin sinaturiko "Udalhitz" protokoloa beteko balitz.
Azaldu dutenez, azken urteetan sektorean izandako lanpostu galeraren arrazoi nagusietako bat behin-behinekotasun hori izan da. Bestalde, zerbitzu asko pribatizatu egin direla ere salatu dute, eta horrek enpleguari ez ezik, kalitateari ereeragin diola.
Lanuztea bi txandatan deitu dute, lehena 11:00etatik 15:00etara eta bigarren 15:00etatik 19:00etara. Hiriburuetan manifestazioak iragarri dituzte egun horretarako eta eskualdeetako herri nagusietan ere izango da mobilizaziorik.
Abenduan ekin zioten borrokari langileek eta administrazio arduradunen jarreraren aurrean ondorioztatu dute "mobilizazioen bidez bakarrik lortuko dugula egoerari buelta ematea". LABek eta ELAk sektoreko langileen ordezkaritzaren %80 dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.