Durangoko Azoka, bagoaz
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Lasai, erraz aurkituko gaituzue-eta: jendetzaren artean gora begiratu, eta urrutira ikusiko duzue kanaberak sabaian dituen postua. Eta, literatura bezala, konbentzituta gaude nekazaritza iraunkorra eta haziak ere ondare kultural garrantzitsu direla gurean. Horregatik, liburuekin batera, Alkartasuna kooperatibako letxugekin eta Aleka elkarteko haziekin ere beteko duzue poltsa gure postuan. Noski, idazleekin zuzeneko harremana izateko aukera ezin hobea ere bada Durangokoa.
Haziak eta Kosmetikoak nobedade
Jakingo duzue honezkero, Haziak liburua argitaratu berri dutela Marc Badalek eta Miguel Arribas Kelok. Norbere haziak ekoizten hasteko gida argigarri bezain mardula da Aleka eta Haziera elkarteko kideek idatzi eta Dani Blancok haziei egin dizkien makro argazki ederrekin osatu dutena.
Garbiñe Larreak hirugarren liburua argitaratu du aurtengoan: Kosmetikoak sendabelarrekin. Xaboiak eta gelak, hortzetako pasta, xanpua, kremak, ukenduak, baltsamoak, desodoranteak… horiek eta gehiago egiten ikasteko gida da Larrearen azken lana, “zure bizitzatik 100 substantzia toxiko oraintxe kentzeko liburua”.
Aurtengo uzta osatzeko, eta urteroko legez, Jakoba Errekondok eta Antton Olariagak argitaratu duten 2025eko Ilargia eta Landareak agenda ere eskuragarri izanen duzue. Eta 2025eko Ilargiaren Egutegia eskuratu nahi duenak, urtero bezala, izango du aukera.
Baina, nobedadeez gain, aurreko urteetako lanak ere eramanen ditugu Durangora: Josebe Blancoren Hausnarrean, Jakoba Errekondoren Bizi Baratzea eta Etxeko Landareak, Garbiñe Larrearen Sendabelar baratzea eta Sendabelarrek dakitena... Norberarentzat edo oparitarako, aukera zabala.
Liburu aurkezpenak
Ilargia eta Landareak 2025eko agenda: Abenduaren 6an, 17:00etan, Arte eta Historia Museoan.
Haziak liburua: Abenduaren 6an, 17:30ean, Arte eta Historia Museoan.
Kosmetikoak Sendabelarrekin liburua: Abenduaren 7an, 17:00etan, Talaia Areto Nagusian.
Ilargiaren egutegia 2025: Abenduaren 7an, 17:30ean, Talaia Areto Nagusian.
Egileekin aurrez aurreko harremana
Liburuen egileak ere Durangoko postuan izanen dira haien lanak sinatzen. Sinadurarena, idazleekin aurrez aurreko harremanak bultzatzeko aitzakia bat da. Egileei zalantzak galdetzeko, proposamenak egiteko, edo, besterik gabe, haiekin elkarrizketa bat izateko aukera ederra izanen da azokan.
Jakoba Errekondo eta Garbiñe Larrea egunero egonen dira postuan; Kelo Arribas ostiralean eta larunbatean; Marc Badal ostiralean; eta Josebe Blanco larunbatean.
Lurra eta landareak gustuko badituzue, bada, hurbildu zaitezte Bizi Baratzearen postura.
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]