Martutene auzoan dagoen Antondegi gainean surfa praktikatzeko eraiki nahi duten azpiegitura erraldoiak kezka sortu du hegaztiak eta haien habitatak ikertzen, babesten eta ezagutarazten aritzen den Itsas Enara ornitologia elkartean eta SEO/BirdLife-en. Kokagune honetan gutxienez 117 hegazti espezie daudela gogoratu dute, eta horietako 29 Eusko Jaurlaritzak duen Mehatxatutako Espezieen Katalogoan daudela. Proiektuak "arriskuan jarriko lituzke”, adierazi dute.
Naiz hedabideak jaso duenez, bi elkarte hauek beren “kezka” adierazi dute Donostia eta Astigarraga artean dagoen Antondegin egin nahi duten azpiegitura dela. “Balio ekologiko handia duen lekua da”, gogorarazi dute.
Herritarrei jakinarazi nahi izan diete mendi honetan gutxienez 117 hegazti espezieren presentzia detektatuta dagoela, zientzia herritarrerako eBird plataformaren erregistroen arabera. Horietako 84 Espainiako Estatuaren Babes Bereziko Hegaztien Zerrendan daude, eta 29 Eusko Jaurlaritzak duen Mehatxatutako Espezieen Katalogoan.
Desagertzeko arriskuan dagoen hegazti baten kasua nabarmendu dute: miru gorria edo milvus milvus. "Olatu artifizialen parke batek hegazti hauek modu larrian konprometituko lituzke, beren habitatak eraldatuz nabarmenki”.
Lurraren artifizializazioari gehitu beharreko eragin negatiboetan, bertara joango direnen desplazamenduak eta instalazio hauei emango zaizkien bestelako erabilerak ere aipatu dituzte.
Martutenen bederatzi hektareako azpiegitura eraiki nahi du Eneko Goiaren udal gobernuak, El Diario Vasco egunkariak abenduaren 30ean jakinarazi zuenez. Itsasotik lau kilometrora legoke Surf Park hau, hiriaren inguruetan urbanizatu gabe geratzen den mendi gutxi horietako batean, Antondegin.
Frantziako Estatuan eraikitzekoak ziren hainbat surf parkeren proiektuak bota dituzte jada atzera. Castets Landes-ekoa izan da azkena, La Rèleve agerkarian irakurri dugunez. Egitasmoak aurreikusten zuen ur eta energia xahuketa salatu duten gizarte mugimenduak pozik agertu... [+]
Donostiako Antondegin surf parke arifiziala eraikitzeko proiektuaz txosten teknikoa egin du ingurumen aholkulari Javier Ferreresek, Antondegi Berdea taldeak eskatuta. Instalazioak eragingo lituzkeen kalteak aztertu ditu txostenean, zeina sinatu duten kontserbazioaren eta... [+]
Surfa egiteko olatu artifizialen 140 metro luzeko igerileku bat, bigarren igerileku bat, jatetxe bat, bi taberna, skatepark bat eta aparkalekua. Horixe da Sabadell Surfcity izenburupean udalak eta enpresa pribatu batek aurkeztu duten proiektua. Hamalau milioi euroko inbertsioa... [+]
Bizitzaren parte oso garrantzitsu bat da surfa Janire Virgala (1990, Andoain), Arkaitz Bardaji (1979, Añorga), June Torrealdai (1984, Antigua) eta Jabi Iraizoz (1978, Iruñea, Nafarroa) surflarientzat, eta Antondegin egin nahi duten olatu artifizialen parkearen... [+]
Loira Atlantikoan dagoen Saint-Père-en-Retz udalerrian olatu artifiziala ezartzeko egitasmoa atzera botatzea lortu dute. Itsasotik hamar kilometrora zortzi hektareako nekazaritza lurrak erabiltzeko asmoa zuten. Bestalde, Sevran udalerrian, Seine-Saint-Denis... [+]