Surf Park bat egin nahi du Donostiako Udalak Martuteneko mendi batean
Martutenen bederatzi hektareako azpiegitura eraiki nahi du Eneko Goiaren udal gobernuak. Hala ekarri du Gipuzkoako El Diario Vasco egunkariak abenduaren 30ean. Itsasotik lau kilometrora legoke Surf Park hau, hiriaren inguruetan urbanizatu gabe geratzen den mendi gutxi horietako batean, Antondegin. Europako surflarien Surf Riders elkartea azpiegitura hauen aurka dago, ingurugiroari egiten zaion kalteagatik.
Martutenen Surf Park bat egin asmo duela jakinarazi du Donostiako Udalak. Udalak ez du adierazpen ofizialik egin, El Diario Vascok argitaratu du udalaren asmoen berri. Bertan adierazi dutenez, baina, proiektua ez dago onartuta eta 2021eko ekainean bideratu nahi lukete. Behin onartutakoan, proiektua enpresa bati esleitzeko prozesua abiatuko litzateke.
Urteak dira udal gobernuko kide sozialista Ernesto Gascok kostaldeko hiri honetan azpiegitura hori jarri nahi zuela, Surfer Ruleko albiste honetan irakur daitekeenez. 2018an, Gasco alkateordeak adierazi zuen olatu artifiziala eraikitzeko gogoa "surfaren mundua profesionalizatzeko aurrerapauso gisa". Azpiegitura horrekin surfaz "gozatzeko" aukera emango litzatekeela esan zuen "kalitateko zerbitzu batekin".
Donibane Lohizunen atzera bota berri
Sare sozialetan arrabotsa sortu da berehala, eta ahotsa altxa dutenetako batzuk Donibane Lohizuneko Herri Berri plataformako kideak izan dira. Herri horretan orain hilabete gutxi bota dute atzera antzeko egitasmo bat. 66.000 sinadura bildu zituzten hilabete gutxian. Rame pour ta planète mugimenduak eta Europako Surf Riders fundazioak alarma jo ostean, bertako surflariak ere aurka posizionatu ziren, beren izenean halako "azpiegitura antiekologikorik" ez eraikitzeko aldarrikatuz.
"Garaipen kutsua duen albistea da olatu artifizialen igerilekua eraikitzearen kontra mobilizatu direnentzat. Gabonetako oparia da", adierazi zuen Surf Session aldizkariak, Naizek jaso zuenez.
"Surfaren balioen aurka"
Europako surflariek sortutako irabazi asmorik gabeko Surf Rider elkartea azpiegitura hauen aurka posizionatu da 2020an eta beren webgunean argumentazio osoa irakur daiteke. Funtsean diote, Surf Park-ek ingurugiroari egiten dioten kaltea surfari egiten dioten ekarpena baino handiagoa dela.
Frantziako Estatuan eraikitzekoak ziren hainbat surf parkeren proiektuak bota dituzte jada atzera. Castets Landes-ekoa izan da azkena, La Rèleve agerkarian irakurri dugunez. Egitasmoak aurreikusten zuen ur eta energia xahuketa salatu duten gizarte mugimenduak pozik agertu... [+]
Donostiako Antondegin surf parke arifiziala eraikitzeko proiektuaz txosten teknikoa egin du ingurumen aholkulari Javier Ferreresek, Antondegi Berdea taldeak eskatuta. Instalazioak eragingo lituzkeen kalteak aztertu ditu txostenean, zeina sinatu duten kontserbazioaren eta... [+]
Surfa egiteko olatu artifizialen 140 metro luzeko igerileku bat, bigarren igerileku bat, jatetxe bat, bi taberna, skatepark bat eta aparkalekua. Horixe da Sabadell Surfcity izenburupean udalak eta enpresa pribatu batek aurkeztu duten proiektua. Hamalau milioi euroko inbertsioa... [+]
Bizitzaren parte oso garrantzitsu bat da surfa Janire Virgala (1990, Andoain), Arkaitz Bardaji (1979, Añorga), June Torrealdai (1984, Antigua) eta Jabi Iraizoz (1978, Iruñea, Nafarroa) surflarientzat, eta Antondegin egin nahi duten olatu artifizialen parkearen... [+]
Loira Atlantikoan dagoen Saint-Père-en-Retz udalerrian olatu artifiziala ezartzeko egitasmoa atzera botatzea lortu dute. Itsasotik hamar kilometrora zortzi hektareako nekazaritza lurrak erabiltzeko asmoa zuten. Bestalde, Sevran udalerrian, Seine-Saint-Denis... [+]