Donostiako autobus gidari baten jarrera euskarafoboa salatu dute

  • Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.


2024ko ekainaren 12an - 12:04
Azken eguneraketa: 13:12
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Maiatzaren 2an gertatu zen, 18:25ean Donostian. Familia bat, bi ume txikirekin, 26 zenbakiko autobusa hartzeko zain zegoen Urbieta kalean. Egun euritsua zen, eta haurrak aulki banatan zeuzkatenez autobusa heldu zenean, atea irekitzeko eskatu zion I. Y.-k gidariari. Lehen aldiz euskaraz eskatu zion kontatu duenez (“Kaixo, barkatu, atzeko atea ireki dezakezu, mesedez?). Lehen aldi horretan gidariak keinu egin zion ez ziola entzun eta irratiaren bolumena jaitsi zuen. Bigarren aldiz euskaraz esan zion: “Atzeko atea ireki dezakezu, mesedez?”. Gidariaren erantzuna, aurpegi txarrarekin, “no te entiendo” (ez dizut ulertzen) izan zen. Hirugarren aldiz, gaztelaniaz eskatu behar izan zion eta gidariak “harrokeriaz” erantzun zion: “Ahora sí, habérmelo pedido bien desde el principio” (Orain bai, hasieratik ondo eskatzea besterik ez zenuen).

Berak hasieratik euskaraz eta “errespetuz” eskatu ziola erantzun zion I.Y.-k, eta hizkuntza ulertzeko arazoa izateak ez ziola arrazoirik ematen berari horrela hitz egiteko. "Gidariak harro jarraitu zuen berean", salatu du. Orduan, autobusera igo zen eta I.Y.-k oroitzen du “oso oso haserre” jaitsi zela autobusetik.

Hizkuntza Eskubideen Behatokian salaketa jarri zuen. Ez da lehen aldia Donostiako autobus zerbitzuan halako urraketak gertatzen direla, Behatokiaren informazioaren arabera.

Behatokia herritarren zerbitzuan dago

“Urtez urte ikusten dugu herritarrei ematen zaien zuzeneko arreta edo zerbitzuen inguruan urraketa asko ematen direla eta erakunde horiek barkamena eskatu arren, urraketak berriz errepikatzen dituztela”. Hala salatu du Hizkuntza Eskubideen Behatokiko zuzendari Agurne Gaubekak. Urraketa mota horiek, lanpostuetan euskararen ezagutza ezaren ondorio direla dio. Horrez gain, lanpostu horietan ari diren pertsonei ez zaizkiela herritarren hizkuntza eskubideak errespetatzeko jarraibideak ematen ere salatu du. “Horregatik, herritarrak euskaraz zuzentzen zaizkienean langile horiei, bueltan erantzun txarrak eta desegokiak jasotzen dituzte”, salatu du. Urraketa horiek hizkuntza eskubideekiko lege betebeharrak dauden lekuetan ere gertatzen direla dio, eta Behatokitik uste dute bereziki zaindu behar direla azpikontratatutako zerbitzuak. “Askotan horietan ezartzen diren kontratu eta klausuletan hizkuntzarekiko betebeharrak ez dira zehazten.”

Hizkuntza Eskubideen Behatokia Euskalgintzako Kontseiluak sustatu eta bideratu duen fundazioa da. Hizkuntza-eskubideen urraketen aurrean, euskaraz bizi nahi duten herritarrei oztopoak gainditzen laguntzen die. Euskara Telefonoa izeneko doako zerbitzu bat eskaintzen diete herritarrei, elkarteei eta entitateei, hizkuntza-eskubide urraketak salatzeko.


Kanal honetatik interesatuko zaizu: Euskaldunen aurkako erasoak
Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


2024-06-12 | Ane Labaka Mayoz
Euskaraz jaio

Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]


2024-06-06 | Aiaraldea
Atxikimendu kanpaina abian, Amurrioko Udalak dirulaguntza itzuli diezaion Aiaraldea Komunikabideari

Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean. 


2024-05-31 | Ahotsa.info
Administrazioan Euskaraz taldea
“Nafarroako Kontseiluaren jardun euskarafobikoa salatzera etorri gara”

Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.


2024-05-17 | ARGIA
Auzitegi Gorenak ez du onartu tramitera Gipuzkoako Aldundiak Uliazpiko hizkuntz eskakizunen harira jarritako helegitea

2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]


Azterketak euskaraz pasatzearen aldeko mobilizazio eguna antolatu dute Euskal Herri osorako

Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.


2024-02-15 | ARGIA
Helegitea jarri diote 119 administrari-plaza egonkortzeari, hizkuntza eskakizuna dutelako

LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.


Errenteriako tabernari baten jarrera euskarafoboa salatu dute

Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.


Agurne Gaubeka
“Euskararen aurkako estrategia judizial eta politikoari erantzun behar diogu”

Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]


2024-02-09 | ARGIA
Epaileen euskarafobia salatu dute Nafarroako Justizia Auzitegi Nagusiaren aurrean

Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.


Euskara “gorrotoaren” hizkuntzatzat du Eguesibarko PPk

"Euskara ez da hizkuntza erakargarria askorentzat aspaldian perbertitu dutelako, tresna politiko gisara erabili dutelako eta terrorismoaren garaietara baino ez narama. Gorrotoarekin identifikatzen dugun hizkuntza da", esan du Inma Mujika PPko Eguesibarko zinegotziak... [+]


PSNren udal hautetsi gero eta gehiago azaltzen ari dira euskara sustatzearen aurka

Orkoiengo alkate sozialista Alejandro Lopezek euskalduna izatea pribilegio bat dela esan eta gero, PSNko hautetsiak euskara sustatzearen aurkako gero eta adierazpen gehiago egiten ari dira, hala Eguesibarren nola Tafallan. Ingurumari horretan, PSNren zuzendaritzak Orkoiengo... [+]


Barakaldoko lan eskaintza publiko bat ere baliogabetu dute euskara eskakizunagatik

Bilboko Administrazio Auzietako bosgarren Epaitegiak baliogabetu egin du 181 posturen Lan Eskaintza Publiko (LEP) bat. Oposiziogile batek salatu duenez, oinarrietan jasotako euskararen puntuazioa “ez dator bat” legearekin. Epaiak bat egin du errekurtsoarekin, eta... [+]


Eguneraketa berriak daude