Doñana arrisku larrian dagoela ohartarazi dute zientzialariek
Doñanako Estazio Biologikoak argitaratu duen azken ikerketaren arabera, Doñanako urmael-sistemaren % 59,2 galdu da, 1985-2018 urteen artean. Neurri batean, euri-gabeziaren eta tenperaturaren igoeraren ondorioz desagertu dira, baina giza jarduerak ere eragin zuzena izan duela frogatu dute: landaketak, eraikuntza, golf-zelaia, ur-erauzketak…
Eloy Revilla Sanchez estazio biologikoaren zuzendaria ikerketa horretan oinarritu da, egoeraren berri emateko Doñanako parte-hartze kontseiluan. Hain zuzen, bilera berezia egin dute, Andaluziako parlamentuan aurkeztu den ureztatze-planak Doñanan izango duen eragina aztertzeko. Revillak gogorarazi du Europako Justizia Epaitegiak Espainia zigortu duela, Doñana babesteko araudiak ez errespetatzeagatik eta ura erauzteagatik, landaketak ureztatzeko eta eremu urbanizatua urez hornitzeko.
Datuek ez dute zalantzarako tarterik uzten: Doñana egoera kritikoan dago. Horren adierazgarri, udan lehortzen ez ziren hiru urmael handi bakarrak jada ez dira iraunkorrak; adibidez, El Sopetón eta La Dulce orain sarri lehortzen dira. Handiena ere, Santa Olalla, egoera kritikoan dago 2012tik.
Urmaelen bilakerari jarraipena egiteko, Landsat sateliteak hartutako 442 irudi aztertu dituzte, eta animalietan eta landareetan bilakaera horrek dituen ondorioak ere ikertu dituzte. Esate baterako, ikusi dute anfibioen dibertsitatea ia erdira jaitsi dela 2003tik 2021era: kilometro karratuko 4,3 espeziekoa izatetik, 2,5ekoa izatera igaro da. Bestalde, Iberiar penintsulako bi galapago-espezie autoktonoak (biak ere Europako espezie mehatxatuen zerrenda gorrian daude) egoera kezkagarrian daude, baita sorgin-orratzak eta txitxi-burruntziak ere. Arrainak eta aingirak ere hiltzen ari dira; eta landare akuatiko batzuk ere desagertzeko arriskuan daude.
Bestelako habitatei ere nabaritzen zaie ur-falta. Babestutako eremuaren barruan, ehunka urte dituzten artelatzen % 8,3 hil da 2010etik, eta % 10 oso gaizki daude.
Aurrera begira, ohikoa zena baino euri gutxiago egingo duela aurreikusten dute. Hala eta guztiz ere, ur-eskaera handizen ari da, urtez urte. Argi hitz egin du Revillak: “Akuiferoaren egungo ustiapena ez da jasangarria. Prezipitazioa aldakorra da, eta txikitzen ari da, eta haren bidez berritzen dena baino ur gehiago ari da ateratzen. Beraz, baliabide natural hori agortzen ari da”. Ureztatzea eta ur-erauzketak kontrolatzeko borondate politikoa falta dela ere salatu du.
Egoerari aurre egiteko, zenbait proposamen egin ditu; hasteko, hainbeste ur erauzteari uztea, Doñanako ekosistemak bere onera etorri ahal izateko. Egoeraren ebaluazio-sistema eta gobernantza-eredua berritzea ere iradoki du, eta inguruko jarduera sozioekonomikoaren azterketa egitea, bestelako irtenbide ekonomikoak aurkitzeko. Espainiako Zientzia Ikerketen Kontseilu Nagusiak berak eta beste erakunde eta zentroetako zientzialari ugarik bat egin dute Revillaren ikuspegiarekin.
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Beste hainbat intsekturen kasuen modura, hau ere “tigre” hitzaren itzalpean izendatzen dute herrialde batzuetan. Jakina, halako izena jarriz gero espero zitekeen ehizarako trebetasuna ezin falta! Eta halaxe da, bai.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Jolastoki eta ikastetxeko sarrera zen asfaltozko 350 metro koadroak berdegune bihurtu dituzte Haur eta Lehen Hezkuntzako Remontival eskola publikoan, Lizarran. Landaturiko zuhaitz, zuhaixka eta landareek helburu dute, besteak beste, beroa eta hotza hobeto kudeatzea,... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
Egun osoa airean, buelta eta buelta, haizearekin dantzan kometa balitz bezala… eguzkiari itzal egiteraino! Horra hor, mirua hegan. Hortik dator eguzkia lainoetan atera eta sartu dabilenean “miru-itzala” edo “miru-kerizpea” dagoela esatea, Felipe... [+]
Erreketako tigre-burruntzia Europako burruntzi handienetakoa da. Gure lurretan, gainera, oso zabalduta dago eta erraza da erreka inguruetan ikustea, etengabe hegan, gora eta behera. Arra eta emea oso antzekoak dira, ia berdinak sexu-organoak alde batera utzita.
Horrela izendatu zuen Félix Rodríguez de la Fuente naturalista ezagunak. Izen ezinhobea ehiztari dotore honentzat, sekulako abilidadea baitu bere harrapakinak akabatzeko.
Hori salatu du Sustrai Erakuntza elkarteak. Azaldu duenez, Nafarroako AHTk eta beste hainbat egiturek inguratuta gera daiteke aintzira, batzuk jada eginak daude eta beste batzuk eraikitze bidean dira.