Donald Trump berrogeialdian dago, COVID-19az kutsatuta
AEBek lehendakaritza bozketen atarian bizi duten giro bortitza are gehiago konplikatu da Donald Trump presidenteak jakinarazi duenean koronabirus testa eginda positibo eman dutela berak eta bere emazteak. Trump pandemiak gogorren jotzen dituenen arrisku talde barruan kokatuta dago, bere adinagatik. Berrogeialdian egon beharko du hauteskunde kanpainatik baztertuta.
Urriaren 2ko goizaldean (Europako ordua) Donald Trumpek berak berretsi du Twiterrez lehentxoago bere staffeko kideek zabaldutakoa: emaztea eta biak koronabirusez kutsatuta daudela:
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
AEBetako presidentearen medikuek adierazi dute Trump bezala bere emazte Melany ondo daudela une honetan. Antza denez, alarma piztu da Hope Hicks Trumpen aholkulari oso gertukoa gaixo sentitzen hasi eta probetan positibo eman duenean. Hicks lehendakaritzako goi karguen artean Trumpekin batera bidaiatu berria zen hegazkin berean, besteren artean Joe Biden hautagai demokratarekin izandako aurrez aurrekoan aholku emateko. Hasiera batean ez dute esan Trumpen inguruko zenbat gehiago dauden kutsatuta, lehendakaria eta bere emazteaz gain.
Eragin eta kalkulu politikoak berehala atera dira hedabideetan, AEBetako lehendakaria berrogeialdian egotearen ondorioez. Alde batetik, Donald Trumpek ezingo du parte hartu hauteskunde kanpainako ekitaldi oso garrantzitsu batzuetan, ezta sintomarik gabe pasatzea lortuko balu ere. Bestetik, munduko lehen potentziaren buruzagitza bermatzeko mekanismoak jarriko dira martxan Trump sintomak nozitzen hasten baldin bada; Mike Pence lehendakari ordeak hartuko luke orduan buruzagitza. Baina... eta Pence bera ere kutsatua balitz? Ez da hipotesi pentsa ezinezkoa, aste honetan bertan Trumpekin bilera egina da eta. Pence ere gaixotuz gero, AEBetako hierarkian hirugarrena denak hartu beharko lituzke erantzukizunak, Kongresuaren lehendakaria den Nancy Pelosik. Bai, demokrata batek.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Moncloa jauregia, martxoak 18: industria militarreko elitea Espainiako presidente Pedro Sánchez eta Defentsa ministro Margarita Roblesekin bilduta. Azken lerroan, euskal ordezkaritza: Juan Ignacio López Gandasegui (Aernnova); Jokin Aperribay (SAPA); Carlos Azola... [+]
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]