Diru-sarrerak Bermatzeko Errenta jasotzen duten 60.000 pertsonatik 20.000 pentsiodunak dira

  • “DSBE —Diru-sarrerak Bermatzeko Errenta— jasotzen duten 60.000 pertsonatik 20.000 pentsiodunak dira, emakume alargunak gehienak, pentsio baxuenak beraiek jasotzen baitituzte”. Armando Aulestiarte Arabako Pentsionistak Lanean plataformako kidearekin elkarrizketa egin dute Hala Bedi irratian.

Maddi Txintxurreta @mtxintxurreta
2018ko otsailaren 27a
Pentsio duinen aldeko mobilizazioa Gasteizen (Arg: Arabako Alea)

Iragan astean Euskal Herriko eta Espainiako Estatuko pentsiodunek egindako mobilizazioen ostean, pentsioen %0,25eko igoera salatu eta 1.080 euroko gutxienekoa  galdegin du Aulestiartek.

Salatu du alarguntza-pentsioa 650 eurokoa dela, eta alargun gehienak DSBEra jo behar dutela euren pentsioa osatzeko. Alabaina, DSBEa ez dela nahikoa nabarmendu du Arabako Pentsionistak Lanean plataformako kideak. DSBEa soldata minimoarekin batera igoko zela adostuta zegoen arren, Aulestiartek esan du Eusko Jaurlaritzak ez duela hitza bete. Kontrara, gutxiengo soldata %8 igo da, eta DSBEan %15eko murrizketak egin dira: “triskantza jasanezina da”.

“Aurten KPIa —Kontsumorako Prezioen Indizea— %1,7 igo da, eta 2011tik %6,5eko erosahalmena galdu dugu. Ez hori bakarrik, gobernuak igoera honekin jarraitu nahi du 2022 arte, eta geroz eta erosahalmen txikiagoa izango genuke”, azaldu du Armando Aulestiartek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Pentsioak  |  Gasteiz

Pentsioak kanaletik interesatuko zaizu...
2018-09-19 | ARGIA
Hegoaldeko pentsionistek manifestazio bateratua deitu dute Bilbon urriaren 1ean

Adineko Pertsonen Nazioarteko Egunaz baliatuko dira beraien aldarrikapenak era bateratuan emateko. Deialdiarekin jende asko biltzea espero dute.


2018-09-10 | ARGIA
Hegoaldeko pentsiodunek asteleheneroko protesta zabaldu dute gaur ere

Milaka erretretadun atera dira Hego Euskal Herriko hainbat plazatara pentsio duinak eta bizi baldintza egokiak aldarrikatzera. Urtarrilean hasirik, bederatzi hilabete daramatzate huts egin gabe astelehenero elkartzen Gobernuaren erabakiak aldatzeko itxaropenarekin.


2018-08-20 | ARGIA
Milaka pertsona bildu dira pentsio duinen alde Bilboko jaietan

Plaza Eliptikotik udaletxeraino egindako manifestaldiak pentsio duinen aldarrikapena aireratu du festa giroan murgilduta dagoen bizikaiko hiriburuan.


EAEko pentsionistak Espainiako Gizarte Segurantzako ministroarekin bilduko dira

Espainiako Estatuko beste mugimendu batzuekin joango dira 1.080 euroko pentsio minimoa eskatzera


2018-07-03 | ARGIA
Pentsiodunek aldarrikapenei eutsiko diete udaran, baina egutegian moldaketekin

Araban eta Nafarroan asteleheneko deialdiak bertan behera utziko dituzte udaran zehar, eta Bizkaia zein Gipuzkoan zer egin erabakiko dute datozen egunetan. Momentuz, abuztuaren 20an manifestazioa deitu dute Bizkaiko pentsiodunek.


2018-07-01 | Juan Mari Arregi
Bankuek Sánchezi xantaia, pentsioengatik

Pentsio publikoen jasangarritasuna, krisi eta hazkunde garaietan izan behar duten eguneraketa, pentsionisten duintasuna, beren aldarrikapenak egiteko erakutsi duten ausardia eta irmotasuna...


2018-06-13 | ARGIA
Pentsioak KPIren arabera igotzea adostu dute, krisi ekonomikoa etortzen bada nola jokatu airean utziz

Toledoko Paktuaren jarraipen batzordea bildu da asteartean eta 2013tik Espainiako Estatuko pentsio-sisteman indarrean dagoen aldaketa bertan behera utziko duen erabakia hartu du: pentsioak Kontsumorako Prezioen Indizearen  (KPI) arabera igoko dira berriro. Baina erabakiak badu letra txikia: ekonomia beheraka hasten denean nola jokatu airean geratu da.


2018-05-28 | Miren Osa Galdona
Pentsiodunen aldarriak ez du etenik

Hego Euskal Herriko hiriburuak pentsiodunez bete dira, beste behin, asteburu honetan. Martxoko deialdiarekin alderatuz, Bilbo, Gasteiz eta Iruñeako parte hartzea jaitsi egin da. Aldiz, Donostian 10.000 manifestari gehiago izan ziren. 1.080 euroko gutxieneko pentsioa eta KPIa lortu arte borrokan jarraitzeko prest dira.


2018-05-27 | Juan Mari Arregi
Soldata politikoak eta miseriazko pentsioak

Pentsiodunek –PPk eta EAJk elikatutako salbuespen gutxi batzuk izan ezik–, bi alderdion paktu oraindik argitu gabea arbuiatu dute, eta mobilizazioekin jarraitzen dute pentsio publiko duinen defentsan.


2018-05-23 | ARGIA
Euskal Herriko Emakumeen Mundu Martxak pentsionistekin bat egin eta emakumeentzat pentsio duinak eskatuko ditu

Emakumeek egiten dituzten lanen aitortzaren aldarrikapenak erdigunera ekarriko dituzte Bilbon egingo den elkarretaratzean.


Azkenak
EGILEA
Eguneraketa berriak daude