'Dinagu' emakume sortzaileen elkartearen azoka, 10ean eta 11n Tolosan

  • Duela lau urte sortu zuten hainbat emakume sortzailek Dinagu elkartea, haien lanak ezagutaraztea xede indarrak batzeko. Abenduaren 10ean eta 11n Tolosako Zerkausian izango da elkartearen Nomadak Gaitun! azoka ibiltaria. Orotara 54 proiektuk izango dute lekua bertan.


2022ko abenduaren 05an - 09:45
Azken eguneraketa: 13:51
Laur urtean hainbat herritan egin du azoka ibiltaria Dinagu elkarteak.

"Emakume sortzaileak ezagutu eta beraien produktuak eskuratzeko plaza duinak sortzea" da elkartearen helburua, "ahizpatasuna, ahalduntzea, euskara eta jasangarritasuna bezalako baloreak erdigunean jarriz". Azpeitian, Gernikan, Donostian, Laudion, Iruñean, Oñatin eta Saran izan ostean, Tolosan paratuko dute Nomadak Gaitun! azoka ibiltaria. "Azoka honek lurralde osoko diziplina anitzetako emakumeen produktuak erosteko aukera eskaini nahi die herritarrei", jakinarazi dute proiektuko kideek. Bertan izango dira moda, bitxigintza, ilustrazioa, zeramika, kosmetika, egur lanketa, enkoadernazioa eta beste hainbat teknikarekin sorturiko lanak.

Batzuk 10ean izango dira, arratsaldeko 17:00etan hasi eta 21:00ak arte, beste asko igandean, 11an, 11:00-15:00 bitarte, eta gutxi batzuk bi egunetan izango dute mahaia. Bi egunetan umeen txokoa ere izango da, larunbatean ipuin kontalari batekin eta igandean eskulanen txokoarekin.

Zergatik Tolosan?

"Herri txiki euskaldunez osatutako Tolosaldeako hiriburua da Tolosa, eta jakina da txikia handi egiten duen herria dela", diote Dinaguko kidek. "Bertako denda, komertzio eta ekoizle zein baserritar txikiak indartzeko egiten den lanak bere herriguneko bizian du isla. Bertako produktu eta kulturaren kontsumo arduratsu baten alde egiten den apustuak inguruko herritarrengan eragin nabarmena dauka eta horrek nortasunez betetako herri berezia bihurtzen du".

"Sormenaren plaza izateko herri perfektua da Tolosa", gaineratu dute. "Bertako emakumeek eginiko sormen produktuen erakusleihoa kokatzeko zentroa da. Aipatu bezala, herrian eta inguruetan bertako kontsumoaren alde egiten den lana nabarmena da, eta Euskal Herriko emakume sortzaileek eginiko lanek bertan egon behar dute".

 

 

Dinagu kolektiboa osatzen duten emakumeetako batzuk, iazko azoka ibiltarietako batean.

 

 

 

 


Kanal honetatik interesatuko zaizu: Artea
Jone Erzilla
"Denok ditugu esperientzia estetikoak, baina oso zaila da hori museo batean gertatzea"

Denbora darama “ingurua intentsifikatzeko gai diren horiei” begira eta horiekin lan egiten saiatzen, horretarako gertu duenari arreta jarriz. Irudietatik, hitzetatik, argitik eta horiek espazioan agertzeko duten forma eta moduetatik egiten du lan, batez ere. Orain... [+]


Erakusketa lehenago kenduko dutelako zentsura salatu du Iruñeko LKN artistak

Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".


Eulalia Abaitua, emakumeei begiratu zien argazkilaria

Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak... [+]


2024-02-27 | ARGIA
Lurraren defentsan "Hamaika" erakusketa artistiko ibiltaria abiatuko dute Beran martxoaren 1ean

"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]


Eguneraketa berriak daude