Dimititu duen Gipuzkoako diputatu Millanek dio gay-a dela, argudiatzeko ez zuela emakumerik “molestatu”
Harkaitz Millan Gipuzkoako Kultura diputatua Donostiako pub batetik bota zuten igande goizaldean, emakume bat "gogaitu eta iraindu" zuelako. Poliziari deitu zioten, eta atxilotu egin zuten gero, agenteen esanetan ertzain baten aurka egin zuelako. Ondarretako kuartelean igaro zuen gaua, "autoritatearen kontrako atentatua" egotzita. Igandean dimititu egin du, eta barkamena eskatu. Prentsari esan dio "sinesgaitza" iruditzen zaiola emakumea "molestatu" izana, gay-a dela argudiatuz.
aurre egingo dieten hedabide independenteak
Gipuzkoako ahaldun nagusi Markel Olanok onartu egin du Millan PSE-EEko Kultura, Gazteria eta Kirol diputatuaren dimisioa, “gertakari larrien” berri jakin ostean. Maria Jose Telleriak ordezkatuko du, orain arte Gipuzkoako Foru Aldundiko Kultura zuzendari nagusia izandakoak.
Millan Donostiako Salamanca pasealekuko pub batetik bota zuten igande goizaldean, “emakume batekin izandako liskar baten ondorioz”. Hain zuzen, hura “molestatu eta iraindu” zuela azaldu dute hedabideek, baina Millanek Diario Vasco egunkariari esan dio ez duela uste halakorik gertatu zenik. Ez du sinesten gizon homosexualek emakumeak "gogaitu" ahal dituztenik, eta argudio hori baliatu du bere burua babesteko: “Argi esanda, ni gay-a naiz eta ez dut uste emakume bat molestatu nuenik, nahiko sinesgaitza iruditzen zait. Baina, edozein modutan, dena delakoagatik tabernatik atera ninduten eta segurtasunekoak Poliziari deitu zion”, argudiatu du diputatu ohiak.
Poliziak atxilotu egin zuen, “agintarien aurkako atentatua” egotzita, Ertzaintzaren arabera agente baten aurka egin zuelako. Millanek bere gain hartu du gertatutakoa eta barkamena eskatu du, baina azpimarratu du ezin duela “askoz gehiago esan”, ez duelako “ia ezer” oroitzen: "Ez dakit norbaitek edarian zeozer bota zidan edo ez... Ez dakit, zeren ordu batzuetako hutsunea baitut, ez dut gogoratzen".
Olano ahaldun nagusiak argitu du “horrelako gertaerek ez dutela tokirik” diputazioan, esanez Foru Aldundiak urteak daramatzala “foru gobernu eredugarri baten alde”. Millanek jakinarazi du foku publikotik at egongo dela momentuz.
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Oldarraldia ari du EAEko administrazioa euskalduntzeko erabakien aurka, berriz ere, enegarren aldiz. Oraingoan berrikuntza eta guzti, espainiar epaitegiak eta alderdi eta sindikatu antieuskaldunak elkarlanean ari baitira. Ez dira izan akats tekniko-juridikoak zuzentzeko asmoz... [+]
A-15 errepideko trafikoa N-I errepidearekin bat egiten duen tokian eraikiko litzateke lotune berria. Andoainen N-I errepidearen "afekzioak murriztu" eta ingurunean "modu hobean" integratuko dela adierazi du aldundiak. Udalak 2011ko eta aurtengo proiektuen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]