Dimisioa aurkeztu du Fernando Izagirrek, Eusko Jaurlaritzako Larrialdi eta Meteorologia zuzendariak eta Galdakaoko EAJren bozeramaileak

  • Fernando Izagirre DYAko zuzendari zela jasotako irregulartasunak salatu ditu egungo DYAko zuzendaritzak. Fiskaltzak abiatutako ikerketaren aurrean, dimisioa aurkeztu du Izagirrek.


2022ko apirilaren 27an - 09:21
Argazkia: EAJ

Dimisioa eman du Fernando Izagirrek, berriki arte Eusko Jaurlaritzako Larrialdi eta Meteorologia zuzendaria eta Galdakaoko EAJren bozeramaile izandakoak. Jaurlaritzako Gobernu Kontseiluak asteartean onartu zuen Izagirreren eskaria, nahiz eta berria ez den jakin asteazkenera arte. Vocento taldeak publiko egindako informazioak eman du argitara dimisioa.

Izagirre DYAko zuzendari izan zen 2016 eta 2021 artean, eta bitarte horretan jazotako irregulartasunen salaketaren ondotik eman du dimisioa. Izan ere, DYAko egungo zuzendaritzak hilabete hasieran salatu zituen epe tarte horretan antzemandako irregulartasunak, eta ondorioz Fiskaltzak ikerketa abiatu du. Izagirreri leporatzen dizkioten delituan artean, ondokoak leudeke: dirua bidegabe erabiltzea, bidegabeko jabetzea, kudeaketa desleiala eta kaudimengabezia zigorgarria.

Galdakaoko EAJko bozeramaile postua eta iazko martxotik betetzen zuen Eusko Jaurlaritzako Larrialdi eta Meteorologia zuzendari postua, biak utzi ditu Izagirrek ikerketaren aurrean.

1986. urtean hasi zen DYAn Izagirre, boluntario modura, eta zuzendari izan aurretik koordinatzaile gisa aritu zen zenbait urtez. Galdakaoko Udalean 2007tik egon da, eta dimisioa eman arte, EAJko zinegotzi eta bozeramaile izan da. Azken udal hauteskundeetan alkategaia izan zen.

Vocentoren informazioaren arabera, Galdakaoko EAJ dimisioa kontu pertsonalei egozten saiatu izan da.


Kanal honetatik interesatuko zaizu: Politika
Nafarroako Gobernuak 2005-2011 aldian torturatutako herritarrak onartu ditu biktima gisa

Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]


2024-06-18 | ARGIA
Frantziako 200 kirolarik manifestu bat sinatu dute eskuin muturraren kontra

L'Ëquipe kirol egunkariak argitaratu du manifestua igandean. Besteren artean, Jo-Wilfried Tsonga eta Marion Bartoli tenislari ohiak eta Marie-José Perec atleta ohiak daude sinatzaileen artean.


2024-06-18 | Mikel Aramendi
ANALISIA
Benetako espioia ote da ba Ewan Gerxkovitx kazetari estatubatuarra?

Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]


‘Naparra’ omendu dute Lizartzan eta desagertu zenetik 44 urte igaro direla oroitarazi

Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.


Eguneraketa berriak daude