Desarmea "bururaino" eramateko prest agertu da ETA agiri baten bidez


2014ko martxoaren 03an - 00:00
Azken eguneraketa: 2015-02-26 13:37:33
Otsailaren 21ean hasi zuen ETAk desarme prozesua.

Erakunde armatuak agirian dioenez, "azken armategia zigilatu arte" jarraituko du prozesuak. Erabakia "borroka armatuaren amaieraren ondorio da" ETAk dioenez. Armak zigilatzeak "erabilera operatibotik kanpo" jartzen dituela dio dokumentuak eta horren bidez  bai jendarteari bai nazioarteari "segurtasuna" eman nahi dietela.

ETAk zeregin horrek daukan zailtasuna ere seinalatu ditu, bere esanetan desarmea ez baitago egiaztatzaileen eta erakundearen eskuetan bakarrik. "Edozein erasok, edozein oztopok zigilatze prozesua goitik behera baldintza dezake".

Arkaitz Belloni aipamena

Agirian ETAk Arkaitz Bellon, Puerto de Santa María kartzelan hil zen Elorrioko presoa gogora ekarri du eta espetxe politika salatu du. "Euskal preso politikoek jasaten duten eskubide urraketarekin amaitzeko beharra" nabarmendu du erakundeak.


Kanal honetatik interesatuko zaizu: ETAren desarmatzea
'Bakegileak' errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


Luhusoko auziperatuen errugabetzea eskatzeko kanpaina aurkeztu dute

Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]


2021-01-07 | ARGIA
Mikel Barriosen aurkako 5 urteko kartzela zigorra berretsi du Parisek

Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.


2020-10-20 | Euskal Irratiak
Egoitz Urrutikoetxea
"Badirudi Frantziako justiziarendako, negoziazio batzuetan parte hartzea, gaizkile elkarteko kide izatea eta ekintza terroristak prestatzea dela"

Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.


2020-06-24 | ARGIA
ETAren desarmatzea auzitan jartzen duten argudioekin, Frantziak bost urteko espetxe zigorra ezarri dio Mikel Barriosi

Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.


Eguneraketa berriak daude