Deportazioko makro-hegaldi bat grabatu ahal izan du La Directa-k Bartzelonan
Hamabi ginear deportatu dituzte Bartzelonako Atzerritarrentzako Internamendu Zentrotik (CIE gaztelaniazko sigletan) astelehen goizaldean, eta La Directak sekula dokumentatu gabeko irudiak jasotzea lortu du. Espainiako Polizia CIEan sartu, ginearrak jaso eta nola deportatzen dituzten grabatu dute bideoz.
Deportazioak Stop taldeak adierazi duenez aurreikusitako makro-hegaldia izan da. Espainiako Polizia Nazionalak egindako operazioa da. Madrildik Ginea Konakryrako bidean egin du geldialdia Bartzelonan.
Deportatutako hamabi pertsonak bezala, oraindik CIEan jarraitzen duten beste berrogei bat ginearrek gose-grebari ekin zioten uztailaren 10ean, asiloa eskatu eta deportazio kolektibo baten arriskua salatzeko. Gineara itzulitako hamabi pertsonei ukatu egin zaie asiloa. Beste berrogei lagunek laster beteko dute CIEan egoteko 60 eguneko gehienezko epea, eta aske gera daitezke.
Hamahiru pertsona eraman dituzte Prat aireportuan zegoen hegazkineraino, baina batek lurrean geratzea lortu du. Hark kontatu du nola sartu dituzten CIEtik furgonetetan binaka esku-burdinak jarrita, eta abioitik ateratzen ari zenean ikusi ditu zenbait kide aldaketatik lotuta.
Barceló konpainiari boikota
Barceló Bidaiak konpainiarena den Orbest lineako hegazkina da makro-hegaldi hauek egiten dituena. Deportazioen aurkako taldeek boikoterako deia egin dute eta Bartzelonan edo Valentzian, esaterako hasiak dira konpainia honen agentzietan ekintzak egiten.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.