ERCk eta CDCk ez dute Pedro Sanchezen inbestidura babestuko
ERCko bozeramaileak, Sergi Sabriàk, argi utzi du alderdi politiko horrek Kongresuan dituen 9 diputatuek inbestiduraren kontra bozkatuko dutela.
“ERCk ez du babestuko autodeterminazio eskubidea eta kataluniar guztien burujabetza onartzen ez duen Gobernurik”, Vilawebek esan duenez. Era berean, adierazi du Kataluniaren burujabetza onartzen ez duen gobernua ezin dela progresistatzat hartu, eta gogorarazi du sozialistek ez dutela ERCrekin bildu nahi izan.
Sabriàk Pedro Sanchez PSOEko idazkari nagusiak egindako diskurtsoa ere izan du jomuga. Sanchezek adierazi zuen Katalunia gobernatzen duten alderdi politiko nagusiak ustelkeria kasuez zipriztinduta zeudela. “Uste dut ez dakiela ondo zer den ERC”, eta gogorarazi zion PSOE dela hainbat ustelkeria kasuri aurre egin behar izan diena, Púnica, Pokemon, Filesa, Marea edota ERE, esate baterako. Sabriàk gaineratu du sozialistek PSC behartu zutela ordura arte defendatzen zuten erreferendumari uko egitera.
Democracia y Libertadek (DL) ere –CDC Espainiako Kongresuan– Pedro Sanchezen inbestiduraren aurka bozkatuko du: “Ez dugu alde bozkatuko, eta ez gara abstenituko erreferenduma egiteko konpromisorik gabe”. CDCko bozeramaileak, Marta Pascalek, adierazi du Pedro Sanchezen inbestidura erraztea “kontraesan nabarmena” izango litzatekeela alderdi politiko horrek I-27ko mandatua betetzeko duen konpromiso elektorala kontuan hartuta.
Pascalek azaldu du jendea entzuteko bokazioa izanez gero, ez luketela hautestontziak jartzeko beldurrik izango. “Plurinazionalitate ministerioa sortu beharrean, hautestontziak jarri behar lituzke”, erantzun dio Pablo Iglesiasen proposamenari.
Icetak ere ez du ERC edota DLren babesik nahi
PSCko idazkari nagusiak, Miquel Icetak, ez du PSOEk DL eta ERC alderdi politikoekin pakturik egitea nahi: “Katalunian, gobernu independentista ezin da alderdi ez independentistekin osatu. Berdin gertatzen da Espainian; independentista katalanek independentzia edota erreferenduma nahi dute, eta hori ezin dute PSOErekin adostu. Ezinezkoa da”.
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Gezurra badirudi ere, irudia ez dago Tolosako inauterietan eginda. Munduko herrialderik jendetsuenen artean, laugarrenean da, pasa den astean. Kameraz inguratuta, bi gizoni 80 eta 85 zigorrada eman dizkiote bizkarrean. Haien bekatua: gorputzaz elkarrekin gozatzea. Aceh... [+]
Nafarroa eta Ezkio-Itsaso lotuko lituzkeen alternatibak Aralar barnean 22 kilometroko tunel bat zulatzea suposatuko luke, eta 1.300 milioi euroko kostua izango luke. Lotura hau igaroko litzatekeen herri ugarietako udalek nahiz bizilagunek, ordea, lanei ekiteko eduki beharreko... [+]
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Hamarkada askotako eskaeraren ostean, Parisko Marceau etorbidearen 11. zenbakian dagoen jauregi historikoa EAJren esku geratu da azkenean. Jeltzaleentzat, balio monetariotik harago, balio sinboliko itzela du eraikin horrek, erbestearekin eta faxismoaren kontrako borrokarekin... [+]
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.