Deliveroo badoa Hego Euskal Herritik, langileei gutxieneko soldata ordaintzea legez exijitu diotenean
Janari banaketa enpresek autonomo gisa lan egiten duten rider-ei kontratua egin beharko diete Rider Legearen arabera. Gutxienezko soldata, lanaldi arautua eta subrograzio eskubidea eskaini beharko dizkiete langileei eta bi aste barru hasiko da aplikatzen Espainiako Gobernua. Deliverook iragarri du badoala, "merkatuaren bideraezintasuna” adieraziz.
Deliveroo APP bidezko janari banaketa enpresak sei urte daramatza Hego Euskal Herrian eta Espainiako Estatuan zerbitzua ematen. Asteazkenean plazaratutako komunikatuan iragarri dute herrialdea utziko dutela, negozioaren “bideraezintasuna” dela medio. Azaldu dute, hemendik aurrera ezin izango dutela Glovo, Uber Eats eta Just Eat bezalako enpresekin lehiatu.
Erabakia Rider legea indarrean sartu baino bi aste lehenago hartu dute. Lege horren arabera, janari banaketa enpresek banatzaile gisa dituzten autonomoei kontratua egin beharko diete, eta beren lan-baldintzak ostalaritzako gainontzeko langileen pareko egin beharko dituzte. Besteak beste, gutxienezko soldata, lanaldi arautua eta subrograzio eskubidea eskaini beharko dizkiete.
La Vanguardia hedabideak azaldu duenez, kaleratze kolektiboa egingo du Deliveroo enpresak oraindik plantillan sartu gabe dituen autonomoekin. Abuztuaren 12tik aurrera, banatzaileak kontratatzen hasiko dira, Rider legeak arautzen duen bezala. Irailean, kontsultak antolatuko dituzte langileekin, eta guztiei enplegu erregulazio espedienteak aplikatzeko izapideak hasiko dituzte.
Enpresak kaleratutako dokumentuan argi eta garbi ez badiote ere, badirudi langile guztiei soldatapeko kontratu bat egiteko ezintasunak bideratu duela erabakia. Espainian “lehen mailako merkatu-posizioa” mantentzea zaila izango litzatekeela azaldu dute: "Horri eusteko inbertsio-maila oso handia beharko litzateke, eta epe luzera, errendimendu potentziala oso zalantzagarria izango litzateke, merkatuaren bideragarritasun ekonomikoari eragin liezaiokeena", diote.
Langileen sindikatuek gogor kritikatu dute erabakia. ELA sindikatuak, adibidez, enpresek “legearen gainetik” egon nahi dutela salatu du. "Langile horiek urteak daramatzate presioak eta lan baldintza tamalgarriak jasaten, eta kolpe berri honek eskubideen urraketa horretan gehiago sakontzea dakar", azpimarratu du. CCOO sindikatuak, berriz, enplegu erregulazioa aplikatu zaien langileei “bermea” emateko eskatu dute, epaitegiek eta lana ikuskatzeko aktek esaten duten bezala, beren lan estatusa errespetatzeko.
Beste hainbat Rider legearen aurka agertu dira. El País komunikabideak Rider Autonomoen Elkarte Profesionalaren eta repartidoresunidos.org erakundearen hitzak bildu ditu. Hauen arabera, aplikatu nahi den araubideak multinazionalen “ihesaldia” ahalbidetzen du: azaldu dute autonomoen modeloa “malguagoa” dela bai sektorearentzako bai banatzaileentzako ere, eta bi aldeei “egonkortasunez” jarduteko aukera eskainiko dien bide bakarra dela.
Glovo enpresaren trikimailua
Deliveroo ez da izan Rider legearen aurrean aldaketak egin dituen multinazional bakarra: Glovo janari banaketa enpresak 2.000 langile gehiago kontratatuko ditu, baina guztiak plantilan gehitu beharrean, beste estrategia bat hartuko du. ELAk azaldu duen bezala, bi aukera eman dizkiete enpresako banatzaileei: soldatapeko egitea ala autonomo gisa jarraitzea. Epaitegiek esan dute azken aukera hori “iruzurra” dela.
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.