Deklaratzeari uko egin diote Sopelan pintadak egiteagatik salatutako bederatzi lagunek
Iazko maiatzean Sopelako mural politikoen topaketan parte hartzen zebiltzala identifikatu zituzten bederatzi pertsonek uko egin diote Getxoko 4. Epaitegian deklaratzeari. Mozal Legearen araberako isuna ordaintzeaz gain, Sopelako Udalak salatu egin zituen, kalteak eragitea leporatuta, eta horren harira zeuden gaur epaitegira deituta. Kanpoko aldean 50 bat lagun elkartu dira, zentsuraren aurkako aldarria egiteko asmoz.
Maiatzaren 5ean egin zen Sopelan azken urteetan ohiko izan den muralen pintaketa-eguna. Egun hartan, Ertzaintzak ekintza aldarrikatzailean parte hartzen zebiltzan bederatzi gazte identifikatu zituen. Mozal legea ezarri zieten, baina horrez gainera Sopelako Udalak salaketa ipini zien, kalteengatik; besteak beste garbiketa-lanen kostua eurek ordaintzea izan daiteke jaso dezaketen zigorra, Zigor Kodearen araberako isun batez gain.
Gaur joan dira bederatzi gazteak Getxoko 4. Instrukzio Epaitegira, baina ez dute deklaratu gura izan. Justizia Jauregira sartu aurretik HIRUKAri adierazi diotenez, "berez itsustea leporatu ahal ziguten, baina horren ordez kalteengatik salatu gaitu Udalak; garbiketa-kostuak guk ordain ditzagun saiatuko direla ailegatu izan zaigu udal-iturrietatik, 2.000 euro baino gehiago". Udalak, salaketa ipini arren, ez da auzian bertaratu, eta honenbestez epailearen esku dago hurrengo pausoa zein izango den erabakitzea.
Deklarazioen hasiera 10:00etarako zegoen aurreikusita. Ordu erdi lehenago, Zentsurarik Ez plataformak deituta, 50 bat lagun batu dira Justizia Jauregiaren aurreko aldean, "Ez gaituzte isilduko" zioen pankarta bategaz. Zentsuraren aurkako mezua zabaldu, eta bederatzi salatutakoei elkartasuna adierazi diete. Ondoren, elkarregaz gosaldu dute.
Albiste hau Hirukak argitaratu du eta CC-by-sa lizentziari esker ekarri dugu ARGIAra.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]