Eguaztenean lagun bat epaituko dute Sopelan muralak egin dituelakoan
Azaroaren 27ko udal-batzarrean horren aurkako mozioa onartu arren, Zentsurarik Ez plataformak adierazi duenez, Gontzal Hermosilla Sopelako alkateak argi utzi zuen epaiketek aurrera segituko zutela. Hala, eguazten honetan, abenduaren 5ean, lagun bat epaituko dute irailaren 29an egindako Zentsuraren Kontrako Eguneko mural denen egilea delakoan; hori salatzeko, elkarretaratzera deitu dute 10:45ean, Getxoko epaitegien aurrean.
Joan den martitzenean, azaroaren 27an, Zentsurarik Ez plataformak mozioa aurkeztu zuen Sopelako udal-batzarrean. Honako hauek eskatzen zituzten:
- Eusko Jaurlaritzari Mozal Legea edo adierazpen askatasuna mugatzen duen legedi "errepresiborik" ez dezala aplikatu.
- Herri-mugimenduen jardun askea bermatzea; ez daitezela ekintza aldarrikatzaile parte-hartzaileak epaitegietara eroan.
- Ez ditzala herri-mugimenduen adierazpen politikoak eta sozialak oztopatu edo zentsuratu.
Gobernu taldearen (EAJ eta PSE-EE) bozkak kontra egon arren, mozioa onartu egin zen. Hala ere, Zentsurarik Ez plataformak salatu duenez, "alkateak oso argi utzi zien udal-batzarrera gerturatu ziren pertsonei, ez zituela onartutako puntuak aurrera eroango. Berak ez zuela zentsurarik ikusten, nahiz eta jarrera hori defendatzeko argudio argirik ez eman". Beraz, epaiketek aurrera segituko dutela adierazi zuen Gontzal Hermosilla jelkideak.
Epaiketa bi eta hamar auzipetu
Hori dela eta, Zentsurarik Ez plataformako kideek mobilizazioetan parte hartzeko deia luzatu dute; izan ere, 10 pertsona epaituko dituzte. Batetik, eguazten honetan, abenduaren 5ean, lagun bat epaituko dute Getxoko Justizia Jauregian, irailaren 29an egindako Zentsuraren Kontrako Eguneko mural denen egilea delakoan; hori salatzeko, kontzentrazioa deitu dute 10:45ean, epaitegien aurrean.
Bestalde, isuna ordaindu behar izateaz gainera, urtarrilaren 15ean epaituko dituzte Sopelako hondartzan maiatzaren 5ean egindako horma-irudiengatik identifikatutako bederatzi lagunak, Getxoko Justizia Jauregian; muralen garbiketa eurek ordaintzea gura du Udalak.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]