Sarraskia, pornografia bihurtu da azken egunotan Euskal Herrian, Orion (Gipuzkoa) jazotako gertaera lazgarriaren ondotik. Gizon batek bikotekide ohi emakumezkoa erail zuen astearte arratsaldez, kalean bertan, haur parke batetik metro eskasera. Hilketa matxistak gizartea –beste behin– astindu duela esatea motz geratzen da –azken bi hamarkadatan, Euskal Herrian, 118 emakume hil dituzte indarkeria matxistaren ondorioz–.
Kalean, jende asko pasatzen den lekuan, eta egun argiz gertatu izanagatik hartu du gertakariak, ziurrenik, bestelako morbositate puntua. Baina inola ere ezin da justifikatua izan. Kazetari honen sega-potora ahots-mezu bat heldu zen gertakaria jazo eta ordubete pasatxora. Whatsapp-ak berak zioen “askotan birbidalita” zetorrela. Hainbat detaile ematen zituen mezuak, gerora jakin direnak ez zirela egiak. Baina berdin dio erdi-egia edo erdi-gezur ziren ala ez. Kontua da minaren sekulako banalizazioa eman dela, eta horrek sufrimenduaren kronifikazioa ere badakarrela atzetik, eta halako jokabideen nolabaiteko onarpena ere bai. Izan ere, emaitza da, axolagabekeria handiz, sarraskitik sortu dugula drama oinarri duen pelikula odoltsua. Birritan pentsatu gabeko ekintzen ondorio izan dela pentsatu nahiko dugu, baina akaso barnean daramagun gizatasuna, gizatasun-eza da gaitza. Ze nezesidade dago aldamenean bizi, etxeko leihotik argazkiak egin eta sareetan partekatzeko, eta jaso duenak, areago, partekatzen eta mina elikatzen jarraitzeko. Argazki horiek ikerketarako balio bazezaketen gaitz erdi, behintzat funtzio bat beteko zuketen-eta, hala balitz ere, uste dut, kuadrillako lagunek ez zuketela lagunduko hilketa ikertzen. Bide batez, alkateak kargua hartu izana, kanpaina egiteko kartelak alboan utzita, hain une lazgarrian hain argi hitz egitea, txalotzekoa da.
Esango nuke halako sentsazionalismo mailarik aspaldian ikusi gabeak ginela, eta ondo elikatu zuten hainbat hedabidek. Argazkiak sareetan partekatzea deitoragarria bada, are penagarriagoa eta tamalgarriagoa da mina besterik kontatzeko ez duten dozena bat argazki publikatzea, eta biharamunean portada odoltsuak eskaintzea. “Hilketa matxista krudela” zioen egunkari batek hurrengo eguneko titularrean; azken orduetako haien jokabideak ere izan ziren krudelak. Beste egunkari batek, kontu horiez gain, kontatu digu hiltzailea “tipo arrunta” zela, eta jakin ahal izan dugu hilketa gauzatu aurretik non hartu zuen kafea eta non aparkatu kotxea. Informazio hori gabe ez genuke lasai lo egingo, edo ez dakit... Eta krimeneko arma ere ikusi dugu hainbat albiste janzteko, odolez zipriztinduta. Bi komunikabide horiek, 36 orduko epean, hogeina txio inguru eskaini zizkioten gaiari, xehetasun guztiekin gainera, nola bestela.
Bi egunkari gipuzkoar horiek diru publiko poltsa handiak jasotzen dituzte urtero-urtero, haien zerbitzuak herritarren behar eta eskubideei erantzuten dielako. Albisteren batean kontatuko zuten Orioko alkateak “erantzukizunez jokatzeko” eskatu duela argazkien erabilera eta hedapenarekin. Norbaiti, akaso, piztuko zitzaion bonbilla.
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Europako energia-enpresarik handiena da jada, eta bi handienetako bat munduan.
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]