Euskadiko Zine Aretoen Elkartearen saria jaso du Telmo Esnalen Dantza filmak, Donostiako Kursaalen. Euskal zinemagintza industriari egindako ekarpena eta filmaren arrakasta, ibilbidea, kalitatea eta originaltasuna aitortu zaizkio Esnalen lanari. Aurreko urteko Zinemaldiko sekzio ofizialean aurkeztu ondoren, 42.000 ikusletik gora izan ditu Euskal Herriko zinema aretoetan. Mundu osoko hamar bat zinema jaialditan ere proiektatu da. 2017an Donostia Zinemaldian Glocal in Progress Industriaren Saria irabazi zuen eta 2018an Glocal in Progress Saria.
Telmo Esnal zuzendaria, Txintxua Filmeko Marian Fernandez eta Paola Moto, eta Juan Antonio Urbeltz, Jexux Larrea, Fernando Aristizabal eta Iñaki Arregi Argiako kideak izan dira sari-banaketa ekitaldian. Esnalek saria jaso duen momentuan benetako saria filma egitea eta orain berriro dantzari lagunekin elkartzea dela esan du. Gehitu du orain pelikula ikuslearena dela, "Pelikulak gureak dira pantaila batean jartzen diren arte. Pelikula ez da nirea, ez da Txintxuarena, publikoarena da".
Urbeltzek dantzen sinbolismoari egin nahi izan dio keinua, pantaila handian ikusi ditugun dantza horien atzean dagoenari, "x izpien bidez grabatutako mundu tradizionala" ageri zaigula pelikulan esan du barrez. Marian Fernandez ekoizleak pelikulan kolaboratu duten teknikoei eta dantzariei eskerrak eman dizkie, "Juan Antonio Urbeltz eta Argia taldearen kolaborazioarik gabe lan hau aurrera eramatea ezinezkoa izango zen".
Euskal zinema aretoen kudeatzaileak 2015ean hasi ziren saria banatzen. Lehenengo urtean Loreak filma saritu zuten; 2016an Amama; hirugarren edizioan Juanba Berastegi zinemagilea omendu nahi izan zen eta aurreko urtean Handia pelikulari egin zitzaion aitortza.
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]