Danel Goikolea bertsolaria zendu da
Danel Goikolea bertsolaria eta herrigintzan engaiatua hil da, 52 urterekin, urtarrilaren 14an. Azken agurra urtarrilaren 18an egingo diote, Arrasateko Aldai parkean, 18:00etan hasita.
aurre egingo dieten hedabide independenteak
Danel Goikolea Arrasaten jaio zen 1969an eta Euskal Herrian lehenengoetakoa izan zen Almen bertso eskolako lehen belaunaldiko kidea izan zen. Patxi Goikoleak (Danelen aitak), Xanti Iparragirrek eta Joanito Akizuk jarri zuten martxan bertso eskola hau eta Danelekin batera aritutako lehen belaunaldi hartako izenak ezagun egingo ziren oso gaztetatik: Aitor, Iñaki eta Jon Sarasua, Arantzazu Loidi, Jon Iñaki Izarzelaia, Felix Iñurrategi... Gerora, Danel bera bertso eskolako irakasle aritu zen bailaran.
Danel Goikoleak 1980an egin zuen lehen plaza, Gipuzkoako Eskolarteko Txapelketan, Bertsolaritzaren Datu Basearen arabera eta azkenengoz txapelketan 1999an hartu zuen parte, taldeka egin zen Gipuzkoako Herriarteko Txapelketan.
1980ko hamarkadan gazteen sariketetan
1980ko hamarkadan hainbat sariketetan parte hartu zuen Goikoleak: Gipuzkoako Eskolarteko Txapelketetan (1981, 1982 eta 1986an), Xenpelar sarian (1984an eta 1986an), Pernando Amezketarra Herriarteko Txapelketan (1985ean), Lizardi sarian (1984an eta 1986an), Leintz bailarako txapelketan (1988an eta 1989an), Urruñan egin zen Errexil sarian (1988an) eta Ordizian egin zen Bertsolari Gazteen Egunean.
Bat-batean bota zituen bertsoetatik, hemen daude grabatuta geratu direnak. 1989an Leintz Bailarako lagunen artean txapelketa egin zuten, eta Eskoriatzako Apotzaga auzoko elkartean egin zuten saioan kantatu zuen Goikoleak. Hemen entzun daitezke Jon Iñaki Izarzelaiarekin batera osatu zuen ofiziokako saioa.
Bertsolari aldizkariak 30. zenbakia Almen bertso eskolari eskaini zion, eta bertan elkarrizketatu zuen Danel Goikolea Pako Aristik (hemen irakurgai, 88. orritik aurrera).
Danel Goikoleak jendaurreko azken bertsoak urtarrilaren 10ean kantatu zituen, bere maisu izandako Xanti Iparragirre zendu berriaren omenezko ekitaldian:
Txapelhandiak gure artean
eman du bere itzala
maisua izan zaitugu eta
ez da suerte makala!
Nola dantzatu erakutsiaz
bizia eta azala
ea guk ere egiten dugun
zuk nahi zenuen bezala.
Hitzak neurtzeko doaiarekin
etorria Añarbetik
etenik bako borrokalari
maite zenuenagatik
oraindik ere ikusten zaitut
so zaudela txapelpetik
argi handi bat piztu diguzu
sasi guztien gainetik.
Mondraberri hedabideak Danel Goikoleak herrigintzan egindako lana nabarmendu du. Esku langintzetan trebea izanik, hormiduriak, irudiak eta egiturak eraiki izan zituela euskalgintzarako eta herrigintzarako eta oso gaztetatik parte hartu zuela Arrasate Euskaldun Dezagun (AED) eta Txatxilipurdi bezalako herriko elkarteetan. AEDko Hegoaxe taldean jardun izan zuen, Iparraldearekiko elkarlanan sustatzen, besteak beste, ikastolak konpontzeko auzolandegiak antolatzen.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
