'Charlie Hebdo'koaren biharamunean Parisen beste polizia bat hil dute tiroz

  • Ostegun goizean Paris kanpoaldean tirokatu duten udaltzainetako bat hil egin da, polizia iturriek jakinarazi dutenez. Beste polizia bat larri zauritu dutela jakinarazi dute.


2015eko urtarrilaren 08an - 09:07
Azken eguneraketa: 2015-02-26 13:37:33
Frantziako poliziak Reimsen, Genevilliersen eta Estatuko mugatik gertu hainbat pertsona atxilotu ditu.

Tiro egin duen ustezko erasotzaileetako bat atxilotu du poliziak. Europe1 irratiaren arabera, ez da Charlie Hebdo aldizkariaren kontrako erasoan parte hartu zuen gizonetako bat.

"Hainbat atxilotu"

Frantziako lehen ministro Manuel Vallsek jakinarazi duenez, "hainbat lagun" atxilotu dituzte bart, Charlie Hebdo aldizkariaren aurkako erasoaren ondoren abiatutako polizia operazioan.

RTL irratian egindako adierazpenetan, Vallsek esan du atxilotuak zaintzapean dituztela. Zenbat lagun diren ez du zehaztu.

Hainbat hedabidek diote atxilotuak zazpi liratekeela, eta erasoaren ustezko egileekin lotura dutelakoan atzeman dituztela. AFP agentziaren arabera, lau lagun Reimsen atxilotu dituzte, bat Genevilliersen, eta bi Belgikako mugatik gertu, Charleville-Mézieres herrian.

Hain justu, hango polizia-etxean aurkeztu du bere burua erasoaren "susmagarrietako" batek, segurtasun indarrek jakinarazi dutenez.

Bere izena sare sozialetan zabaldu ostean entregatu da

Hemezortzi urteko mutila da bere burua Charleville-Mezieres herriko polizia-etxean aurkeztu duena. Atentatuaren egileei ihes egiten lagundu izana egotzi dio poliziak. Gazteak, aldiz, errugabea dela dio, eta bere izena sare sozialetan ikusi duelako erabaki duela entregatzea. Charlie Hebdoren kontrako erasoaren ustezko egileak 32 eta 34 urteko bi anaia dira.

Cherif eta Said Kouachi anaiak lirateke erasotzaileak, frantziar poliziak jakinarazi duenez. Metronews egunkariaren arabera, Cherif 2005ean epaitu egin zuten, Irakera jihadistak bidaltzen zituen talde bateko kide izateagatik. Hiru urteko espetxe zigorra ezarri zioten.


Kanal honetatik interesatuko zaizu: Charlie Hebdo atentatua
2020-09-03 | Mikel Eizagirre
Charlie Hebdoren aurkako atentatuaren epaiketa hasi da

Bost urteko ikerketaren ostean, Parisko Epaitegi Judizialak ustez erasoan lagundu zuten hamalau lagun epaituko ditu. Bien bitartean, adierazpen askatasunaren inguruko eztabaida berpiztu da Frantziako Estatuan.


2020-03-31 | ARGIA
"Charlie Hebdo"-ren aurkako atentatuaren epaiketa udazkenera atzeratu dute

Maiatzaren 4an hasi eta uztailaren 10era bitarte egitekoa zen. Epaitegiko lehen auzialdiko presidenteak adierazi du ez dagoela baldintza egokirik horretarako, osasun krisia dela-eta.


Atenasko porrotetik Parisko sarraskietara, garai konplikatuak Europako ezkerrentzat

Ezkerraren itxaropen zaharberrituekin ekin urte berriari eta alde guztietako kontserbadore eta inmobilistek aldarrikatutako Zibilizazioen Talkaren edizio odoltsuekin burutu, horra zein izan den 2015 honen patua. Disney World edo Port Aventurako txirrista erraldoietako batean... [+]


2016-03-06 | Sustrai Colina
Alfonso Zapico, komikilaria
"Bigarren eskuko arropa bezalakoa naiz"

Hitza eta marrazkia. Marrazkia eta hitza. Hitzak marraztu eta marrazkiak esan. Ahotik lapitza atera eta mingaina eskuan hartu. “Santa Barbara bendita, tralaralaralaralai...”.


Dena ez da Charlie: prekarietateak ere hiltzen ditu komikiak Frantzian

500 komikigilek manifestazioa egin dute Anguleman euren erretreta osagarriaren kotizazioa neurtzerakoan egin azken aldaketez kexu.


Eguneraketa berriak daude