Carola Rackete kapitainaren egoeraz erabakiko du Italiako justiziak
Rackete atxilo mantendu ala aske utzi erabakotzekoa zen epailea astelehenean, baina azkenean asteartera atzeratu du erabakia hartzeko eginkizuna. Gerraontzi baten kontrako erresistentzia eta hondoratze saiakera, eta "pertsonen trafikoa" leporatu dizkiote kapitain gazteari.
aurre egingo dieten hedabide independenteak
Hamazazpi egunez itsasoan ibili ostean larunbatean Lampedusako (Italia) portuan baimenik gabe porturatzea erabaki zuenetik, etxean atxilo eman ditu egunok Carola Racketek. Egoera larrian zeuden 42 migratzaile zeramatzan ontziak, eta larritasunak bultzatuta aldebakartasunez porturatzea erabaki zuen kapitainak. Atxiloaldiko lehen bi egunak Lampedusan bertan eman ditu, bertako bizilagun batek jaso baitzuen bere etxean. Astelehenean ostera, Italiako Mugako Poliziak Sizilia uharteko Agrigento hirira lekualdatu zuen. Hasiera batean epailea astelehenean bertan zen Racketen egoeraren gainean erabaki bat hartzekoa, baina asteartera atzeratu zuen eginkizuna. Racketek atxilo jarraituko duen ala ez, asteartean emango du jakitera Italiako justiziak.
Gerraontzi baten kontrako erresistentzia eta hondoratze saiakera leporatzen diote Sea Watch 3 ontziko kapitaina den Racketeri, Lampedusan porturatzean patruila ontzi batek kaia zuelako eta ontzian ziren lau poliziaren biziak arriskuan jarri zituela egotzita. Horrez gain, “pertsonen trafikoa” bultzatzea ere leporatu diote, migratzaileen salbamenduan diharduten gobernuz kanpoko erakundeen —Sea Watch kasu— ontziei Italian lehorreratzea eragozten dien lege berriaren bidez. Akusaziook hamabost urte arteko kartzela zigorrari aurre egin beharrean jarri dute Rackete.
Behin Agrigenton, guardiek epaitegira zeramatela, hainbat izan ziren kapitainari babesa helarazi zioten norbanakoak. Kontrara, mezu xenofobo, arrazista eta matxistekin iraindu zuenik ere hurbildu zen: “Espero dut lau beltzek zu bortxatzea!”, “lehenbizi italiarrak! edo “zakil beltzak gustuko dituzu?” tankerako esaldiak aditu ziren.
Matteo Salvini Barne ministroak ospatu egin du Racketeren atxiloketa. “Atxilotu dute kapitain arau hauslea. Atzeman dute itsasontzi pirata. Isunik handiena ordaindu beharko du atzerriko GKE horrek”, adierazi zuen. Sea Watch GKEa 50.000 eurorainoko isuna ordaintzera zigortu dezakete; hori horrela, internet bidez diru bilketa kanpaina bat abiatu dute, eta dagoeneko lortu dute milioi bat eurotik gora.
Ontziko migratzaileen egoera
Ontzia porturatzean Rackete atxilo eraman zuten, baina migratzaileei lehorrean utzi zieten. Bi migratzaile ostiralean ebakuatu zituzten osasun arazoak medio, eta ontzian jarraitzen zuten gainontzeko 40ak harrera zentro batera eraman zituzten, handik Frantziara lekualdatzeko asmoz. Europako zenbait herrialde migratzaileok hartzeko prest agertu dira: hamahiru Frantzian hartuko dituzte; hamar Alemanian; zortzi Finlandian; eta gainontzekoak Portugal eta Luxenburgon.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.