Can Vies hustearen kontrako protestetan gazte bat jipoitzeagatik, bi Mosso zigortu dituzte
Bartzelonako Auzitegiak kondena partzialarekin zigortu ditu Jesus Antonio Zoyo Rodriguez eta David Villares Yelmo poliziak.
La Directak jakinarazi duenez, 2014ko maiatzean Bartzelonako Sants auzoko atari batean babesgabe ziren hiru gazteri emandako jipoiagatik zigortu dituzte polizia agenteak, Can Vies zentro sozial autogestionatua hustearen aurkako protesten testuinguruan. Lesio delitua egotzita eta tresna arriskutsuak erabiltzearen larrigarriarekin, Zoyo eta Villares polizia agenteak Bernat gazteari emandako kolpeengatik zigortu dituzte. Sei urteko kartzelaratzea, epealdi horretan lan eta soldatarik gabe geratzea eta 2.800 euroko kalte ordaina ezarri diete zigor gisa. Hala ere, ez dira kartzelatik pasako eta kalte ordaina, kasurik txarrenean, sindikatu polizialen kargu egotera pasako da.
TV3 telebista katearen eta Jordi Borras fotokazetariaren irudiak erabakigarriak izan dira polizia agenteak zigortzerako orduan. Irudiek agerian uzten dutenez, hirugarren polizia agente batek ere, Francisco Javier Guitian Posadak, borra kolpe kaltegarri bat eman zion gazteari. Kolpeak esku-hartze kirurgikoaren beharra eskatzen zuen kalte larririk eragin izana frogatu ez denez, sententziaren txostengilea den epaileak falta modura katalogatu du, salbuesleak eta preskripzioak ezarri ostean zigorra efekturik gabe geratu delarik. Kondena partziala da, epaimahaiak ezin izan baitu zehaztu Bernatekin zeuden beste bi gazteei buruan eta belarrian eragindako zaurien – jipoiak eragindako larrienak - egileak zein izan diren, nahiz eta argi egon Mossoak izan zirela. Operatiboan parte hartu zuten Daniel Muñoz Lorente eta Luis Miguel Venteo Fernández poliziak absolbitu egin ditu epaimahaiak, erantzukizun zuzen zein hierarkikorik ez dutelakoan.
Duela gutxiko huste batean eragindako lesioak
L'Hospitalet de Llobregateko (Katalunia) bizilagun batek Mosso bat salatu berri du, huste batean eragindako lesioengatik. Gertakaria maiatzaren 29an eman zen, hiru aste atzera Ramon eta Danielek okupatutako eraikinean bi gizon ate-joka azaldu ziren, eta Ramonek atea irekitzerakoan borra kolpe bat jaso zuen begian bete-betean, begia lehertaraziz.
Ramon eta Daniel zeuden eraikinak erabilerarik gabe urteak zeramatzan, hiriko San Jose auzoko bizilagunek La Directari azaldu diotenaren arabera. Hau okupatu zutenetik, bertan ziren bi bizilagunek ez zuten jaso jakinarazpenik ez administrazioaren, ez poliziaren, ez epaitegiaren partetik. 9088 eta 16202 plaka zenbakidun Mossoek onartu dutenez, agindu judizialik gabe esku-hartu zuten hustean, eraikinaren jabeen errekerimenduei jarraituz soilik.
9088 plaka zenbakidun sarjentua indarkeriaz eta agindu judizialik barik egiten dituen eraikinen husteengatik ezaguna dela diote auzokideek. La Directak ziurtatu ahal izan duenez, gertakari honetan parte hartu duten bi agenteak 2016ko udazkenean jarritako kereila baten jo-puntuan daude, bikote bat eta hauen haurrak indarkeria gradu altuarekin etxegabetzeagatik.
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
Nafarroako Barne Sailak araudia aldatu du Foruzaingoak taser pistolak erabiltzen hasteko hurrengo urtean. Pistola elektrikoen erabilera poliziek daramatzaten kamerek kontrolatuko dute.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
Igandean Guardia Nazionaleko 2.000 soldadu mobilizatu ondoren, AEBetako armadak jakinarazi du beste 2.000 soldadu eta 700 marine bidaliko dituela Los Angelesera, etorkinen aurkako sarekaden harira piztutako protestak oztopatzera. Bitartean, Etxe Zuriaren eta Kaliforniako... [+]