CAFeko zuzendaritzari eskaera: “ez kolaboratu Israelgo apartheidarekin”
Ekainaren 13ko CAFeko akziodunen batzarrera begira, Jerusalemgo Tren Arinaren proiektuaren aurkako salaketa kanpaina zabaltzeko deia abiatu du BDS mugimenduak. Proiektu horri esker, "okupatutako lurralde palestinarra anexionatzen jarraitu ahal izango du Israelek".
Ekainaren 13an CAFek egingo duen urteko akziodunen batzarra baliatuz, Boycott, Divestment and Sanctions izeneko mugimenduak bere web orrialdean salatu du palestinarren giza eskubideen urraketetan euskal enpresak duen inplikazioa. Israelek Zisjordaniako lurralde palestinarrak "anexionatzeko asmoa" duela ohartarazi du, eta lapurtutako lurralde horietan "legez kanpoko koloniak" indartzen dituen tranbiaren proiektuan parte hartzen ari dela CAF konpainia.
Horrez gain, gogorarazi du CAFeko akziodunen batzarra eta gobernu sionistak uztailaren 1etik aurrera okupatutako Zisjordania palestinarraren zati garrantzitsu bat ofizialki anexionatzeko egindako iragarpena sinkronizatuta daudela.
Kanpaina martxan da
Kanpainak "Jaitsi zaitez Israelen apartheidaren trenetik" du lema, eta trenbidearen eraikuntza planak geldiaraztea du helburu. Horretarako, #CAFJaitsiZaitezIsraelenApartheidarenTrenetik traola, enpresara mezu elektronikoen bidalketa masiboa eta sinadura bilketak bultzatu dituzte.
Apartheidaren trena
BDS-k gogora ekarri du Jerusalemgo tren arinak legez kanpoko koloniak Mendebaldeko Jerusalemekin lotzen dituela, eta kolonia horiek nazioarteko zuzenbidearen arabera gerra krimen bat direla. Shapir, Jerusalemgo tren arinaren proiektuan CAFen bazkide den enpresa israeldarra, nazioarteko zuzenbidearen urraketen ondorioz enpresa konplizeen zerrendan kokatu du Nazio Batuen Erakundeak, eta harekin harremanak etetea gomendatzen du.
Sharon Ronen israeldarrak FCI-IGP 33. munduko txakur txapelketan parte hartu duela jakinarazi du Palestinarekin Elkartasuna eragileak. Gasteizko Udalari “sionismoaren konplize” izatea leporatu dio.
Zinemaldiko hasierako gala izan da ostiralean, eta Kursaaleko oholtzan Palestinaren eta Israeli boikota egitearen aldeko aldarriak entzun dira. Itziar Ituñok, Silvia Abrilek eta Toñi Acostak aurkeztu dute gala, eta hiruek egin dute Palestinaren alde.
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.