Cabacasen hiltzailea identifikatzea “zaila” izango da EAEko fiskalaren ustez

  • “Badakigu zein ertzainek tiro egin zuten eta zenbat aldiz, baina ez zein armatatik irten zen pilota”, adierazi dio EAEko Fiskal Nagusi Juan Calparsorok Diario Vasco egunkariari. Urtebete eta lau hilabete dira Iñigo Cabacas gaztea ertzainen pilotakada baten erruz hil zela eta kasua astiro ari da aurrera egiten.


2013ko abuztuaren 02an - 00:00
Azken eguneraketa: 2015-02-26 13:37:33
Calparsorok operatiboan parte hartu zuten agenteak eta haien nagusiak inputatu ditzake (argazkia: Gorka Estrada / Deia).

Tiroa bota zuen ertzaina nor den zehazteko zailtasunen aurrean, fiskaltzak aurreratu du Deustuko kuartelean agintzen ari zen agentea eta Basauriko gaztea hil zen lekuan operatiboaren buru zeuden Ertzaintzako kideak inputatuko lituzketela.

Cabacasen familiak dagoeneko eman du urrats hori Diario Vascon bertan irakur daitekeenez. Hainbat medio aipatuz, Vocento taldeko agerkariak dio familiaren abokatuak dagoeneko aurkeztu duela idatzi bat Bilboko 10. Instrukzio epaitegian, eskatuz 40 laguni deklarazioa eskatzeko inputatu gisa. Gehienak kargan parte hartu zuten ertzainak dira eta haien nagusiak.

Horiez gain, Cabacasen familiak proposatu dituen inputatuen zerrendan Miguel Buen ere badago, hilketa gertatu zen unean Jaurlaritzako Barne sailburuordea. Baita Ertzaintzako orduko buruzagi Jose Antonio Varela ere. Momentuz ez dute Rodolfo Aresen inputazioa eskatu.


Kanal honetatik interesatuko zaizu: Inigo Cabacas auzia
2022-04-11 | ARGIA
10. urteurren ekitaldian
Iñigo Cabacasen gurasoak: “Ez dugu epaitegian irabazi, baina bai kalean”

Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]


2022-04-06 | ARGIA
Hamar urte bete dira Ertzaintzak Iñigo Cabacas zauritu zuenetik, eta larunbatean omenaldia egingo diote

Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]


2022-01-19 | Leire Artola Arin
Iñigo Cabacasen gurasoek Erkorekari galdegin diote ea ez duten aitortzarik merezi

Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]


2021-12-16 | Jon Torner Zabala
Cabacas auzia: Barne ikerketa artxibatu du Ertzaintzak

Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]


2021-04-20 | ARGIA
Cabacas auzian kondenatutako ertzainari kartzela zigorra bertan behera utzi dio auzitegiak

Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]


Eguneraketa berriak daude