Buruko gaitzen bat dutenek ateak itxita dituzte lan munduan
Buruko gaitza dutenen langabezia tasa izugarria izan da 2019an ere: %80koa EAEn, ezintasunen bat dutenen artean altuena. Zer egiteko gai diren erakusteko aukera gutxi ematen die lan munduak, aurreiritzi asko baitago oraindik, biolentoak direla pentsatzea adibidez.
Lanerako dituen trebezia eta gaitasunak aintzat hartu ordez, pertsona horrek duen buruko nahasmenduari begiratzen zaio maiz, gehiago mugei ahalmenei baino, eta aukera gutxi ematen zaio enplegatzeko. Gainera, estereotipotan oinarrituriko iritzia gailentzen da maiz.
Beste batzuetan, persona horrek dituen beharretara moldatzeko neurririk ez du hartu nahi zuzendaritzak. “Lan merkatuen txandak eta ordutegiak ez dira egokitzen kolektiboaren ezaugarrietara –esan digu ASAFES Buru Gaixotasuna duten Pertsonen eta Senideen Arabako Elkarteko psikologo Montse Mozok–. Lan munduak, halaber, estresa sortzen du, eta estresa ez da ona inorentzat, baina buru gaixotasuna duten pertsonentzat oso kaltegarria da”.
Lautik bat
Bitxia da: estigma eta tabua dira gaixotasun mentalak, baina lau pertsonatik batek buruko gaitzen bat garatuko du bere bizitzan zehar, Osasunaren Mundu Erakundearen arabera.
Aniztasunaren aldeko apustua
Kolektiboa lan munduan integratzeko ASAFESek martxan dituen ekimenetatik harago, “asko dago egiteko –dio Mozok –, batez ere sentsibilizazioari dagokionean, enpresek beldurra gal dezaten eta aniztasunaren aldeko apustua egin dezaten”.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]