Buru osasuneko arazoak dituzten pertsonen sexualitateari buruzko gida aurkeztu du ASASAMek
Buru osasuneko arazoak dituzten pertsonen sexualitatea lantzeko gida argitaratu berri du ASASAMek. Proiektu aitzindaria da, baina Aiaraldeko elkarteak urteak daramatza gaia jorratzen.
Irailaren 4an ospatzen den Sexu Osasunaren Nazioarteko Eguna probestuz, ASASAM elkarteak pertsona ororen sexualitatea artatzeak duen garrantzia nabarmendu nahi izan zuen. Horretarako, Estatu Espainiarrean aitzindaria den profesionalentzako gida argitaratu du, buru osasuneko arazoak dituzten pertsonen sexualitatea lantzeko.
"Sexualitatea subjektu bakoitza nola sentitzen den, nola bizi den eta bere burua nola adierazten duen ulertuta, bizitza osoan irauten duen egitate biografikoa da, gizaki guztiok duguna. Gaixotasun mentalaren diagnostikoa izateak ez du esan nahi sexualitateaz gozatu ezin denik", adierazi du Maria Angeles Arbaiziagoitiak, ASASAMeko presidenteak.
Hain zuzen ere, 5 urte daramatza elkarteak sexualitatearen gaia lantzen buru-gaixotasuna duten pertsonekin eta beraien familiekin. Modu integralean landu izan dute gaia hainbat lan lerrotan, eta adituen laguntza izan dute horretarako. Urte guzti hauetan pilatutako esperientzia izan da irailak 3an aurkeztu zuten gidaren oinarri.
Ekimen honen bitartez, ASASAMek osasun mentaleko arazoak dituzten pertsonek sexualitateari dagokionez egun jasotzen duten arreta hobetu nahi du. Horretarako, ibilbide-orri bat proposatu du erakundeek bere egoera-diagnostikoa egin ahal izateko, baita ikusarazteko, sentsibilizatzeko, prestatzeko eta ahalduntzeko hainbat ekintza ere.
Aurreiritziak gaindituz
Ibilbide luzea urratu du elkarteak sexualitatearen gaiari dagokionez. Gaia mahai gainean jarri zuten lehendabiziko aldian familia askoren aurreiritziekin egin zuten topo. Praktikak, ordea, agerian utzi du sexualitateari arreta eskaintzeak ondorio oso positiboak eragiten dituela buru osasun arazoak diagnostikatuta dituzten pertsonengan.
"Sexualitatea ere Mendebaldeko moralean ezkutatutako giza alderdia izan denez, tabu bikoitzari egin behar diogu aurre sexualitateaz ari garenean", azaldu du Arbaizagoitiak, "pertsona hauei ezaugarri jakin batzuk esleitzen zaizkie, nabarmena denez okerrak, eta horrek are gehiago kaltetzen du haien sexu-bizipena". Hauek dira, besteak beste, elkarteak zerrendatu dituen baieztapen orokortu okerrak sexualitateaz eta gaixotasun-mentalez hitz egiterakoan:
-Ez dira subjektu erotikoki desiragarriak.
-Ezin dituzte bikote-harremanak izan, egonkor eta orekatuak, eta ezin dituzte familiak osatu.
-Desira heteroerotikoa aurresuposatzen da; beraz, bere sexualitatea ukatuta, sexu-aniztasuna ere ukatzen zaie.
-Ez dute sexu-hezkuntzarik behar, ezta bere sexualitatea artatzea edo lantzea ere. Gainera, sexu-arretako programek bere egoera psikopatologikoa ezegonkortu dezakete.
Egindako lana Espainiako Estatu osoan zabaltzeko asmoa du ASASAMek. Izan ere, orain arte oso gutxi landu den gaia da, eta Aiaraldeko elkartearena da argitaratzen den profesionalentzako lehenengo gidetako bat.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Ascension uhartea, 1725eko maiatzaren 5a. “Holandar ontziteriako komandantearen eta kapitainen aginduz, ni, Leendert Hasenbosch, uharte bakartu honetan lehorreratu naute, nire zorigaitzerako”.
Herbeheretar marinela, 1695ean Hagan jaioa, Ekialdeko... [+]
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Marioker guztiok nola, erreferenteen egarri nintzen nerabezaroan, bisexuala nintzela onartzeko prozesuan, eta bakan batzuk topatu nituen: Skin, Skunk Anansieren kantaria (tartean ez nekien bisexuala zenik, baina radarrak funtzionatzen zidan), Lucía Etxebarriaren Beatriz y... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
Naizenek I. Nazioarteko Biltzarra antolatu du haur eta gazte transexualitateaz hitz egiteko. Egitaraua maiatzak 5 eta 6 artean egin dute eta hitzaldiz josia izan da. Eztabaida eta hausnarketa bateraturako "espazioak sortzeko" ezagutza arlo ugaritan espezializatutako 400... [+]
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Sare sozialetan argitaratutako argazkiaren bidez ezagutarazi du erasoa Ordiziko alkate Adur Ezenarrok. Bere sexu izaerarekiko "harrotasuna eta ohorea" berretsi du, eta azken aldiko "oldarraldia" salatu du.
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Larretxeatarren oinordea da, aizkolari, harri-jasotzaile, txinga-eramale eta, oro har, herri-kirolari handien ondokoa. Patxi du aita; Donato, berriz, osaba. Hasier Larretxea, aldiz, da gizarte langile, da idazle, da homosexual. Harro beharko genuke denok.