Burlatako Euskararen Ordenantza murrizteko neurriak salatu ditu Euskararen Defentsarako Sareak

  • Navarra Suma eta PSOEren murrizketen kontra alegazioak aurkeztu dituzte Burlatako zenbait eragilek.

Artikulu hau CC BY-SA 3.0 lizentziari esker ekarri dugu.

2023ko urtarrilaren 25an - 11:11

Navarra Sumak eta PSOEk Burlatako Euskararen Ordenantza murriztearen aurrean, Euskararen Defentsarako Sareak komunikatua zabaldu du. Besteak beste, alderdiek euskara meritu moduan puntuatzeko beharra desagerrarazi nahi dute. Gainera, indarrean dagoen Euskararen Foru Dekretuaren aurka, testu eta errotulazioetan gaztelania euskararen aurretik lehenetsi nahi dutela salatu du Euskararen Defentsarako Sareak.

Era berean, D ereduaren aldeko kanpainak egiteko beharrak kendu nahi dituztela eta murrizketa berriez gain, orain arte Euskararen Ordenantza zenbait kasutan bete ez dela gaineratu du sareak. “Ez dute kanpainarik egin euskararen alde. Halaber, Plantilla Organikoan, ez dituzte errespetatu euskararentzat ezarritako ehunekoak”, biltzen du komunikatuak.

Euskararen Defentsarako Sareak “euskarak Burlatako oraingo agintariekin etorkizun latza” duela adierazi du eta  “alegazioak bultzatzeko mugimendu gehiago” eragin beharko direla. Murrizketen kontra alegazioak aurkeztu dituzte Axular Elkarteak, AEK-k, Gubaigu - Ermitaberriko Guraso Elkarteak, Burlata Futbol Eskolak eta beste batzuk, aldaketak ezeztatzeko xedez.


Kanal honetatik interesatuko zaizu: Euskaldunen aurkako erasoak
Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


Donostiako autobus gidari baten jarrera euskarafoboa salatu dute

Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.


2024-06-12 | Ane Labaka Mayoz
Euskaraz jaio

Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]


2024-06-06 | Aiaraldea
Atxikimendu kanpaina abian, Amurrioko Udalak dirulaguntza itzuli diezaion Aiaraldea Komunikabideari

Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean. 


2024-05-31 | Ahotsa.info
Administrazioan Euskaraz taldea
“Nafarroako Kontseiluaren jardun euskarafobikoa salatzera etorri gara”

Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.


Eguneraketa berriak daude