Bretainieraren aldeko "Korrika" abiatuko dute ostegunean: Redadeg
Nantesetik gertu dagoen Sant-Ervlanen hasi, eta Lokoal-Mendon bitartean egingo dute bretainieraren aldeko korrikaldia, apirilaren 29tik maiatzaren 7ra. Parte hartzaileek Bretainiako bost departamentuak zeharkatuko dituzte: 1.700 kilometro. Ezkutuko mezua daroan lekukoa eramango dute ibilbidean zehar.
Redadeg ekimenaren bultzatzaileek 2008an abiatu zuten ekimena, bretainieraren belaunaldiz belaunaldiko transmisioa irudikatu nahian. Ordutik, bi urtean behin errepikatzen dute korrikaldia eta parte hartzaile kopurua goraka doa, baita kilometroak salduz eskuratzen duten diru kopurua ere.
Antolatzaileek norbanakoen, elkarteen edo enpresen artean banatzen dituzte kilometroak; elkarteen esku geratzen da ibilbidearen zati handiena. Sindikatuek eta alderdi politikoek, bestalde, ez dute kilometroak erosteko ohiturarik: 2012ko datuen arabera, batutako diruaren %4 baino ez dator sektore horietatik.
Bultzatzaileek dei egin diete “familia, gazte, heldu, guraso eta aitona-amonei” ekimenean parte har dezaten, “bizia, sormenez betea eta dinamikoa den bretoiaren lurraldez lurraldeko eta belaunaldiz belaunaldiko transmisioa irudikatzeko”. Azaldu dute bretainiera bera izango dela ekimenaren irabazle nagusia.
2014ko Redadegaren irudiak biltzen ditu honako bideoak:
220.000 biztanlek erregularki erabiltzen dute bretaindar hizkuntza. Emaitza aski arranguragarria, jakinez Bretaina historikoan 4 milioi biztanle badirela. Hori da bretaindarraren egoera gaur egun.
Inork oraindik Vincenzo Vecchi zein den ez badaki, has dadila bere izena ikasten. Ez da mende hasierako anti-globalizazio manifestazioetan ibilitako aktibista soila. Hamabi urtetik hona Bretainian aterpetua, italiar justiziak estraditatu egin nahi du Mussoliniren garaiko lege... [+]
Maiatzaren 20an hasita, 2.022 kilometro egingo dituzte Bretainian, Gwitreg herritik Gwened herriraino. Oarsoaldeako AEK-k antolatuta, ordezkaritza bat joango da hara atxikimendua ematera.
Hamar urte daramatza Nantes Revoltéek informatzen, baina urtarrilean hedabidearen disoluzio prozedura abiatu du Frantziako Gobernuak. Nantes Revoltéek salatu du beren aurkako prozedurak hedabide independente oro eta informazio eskubidea mehatxatzen dituela.
Aeolus ontziak astelehenean eman zuen isuriaren abisua. Konpondu artean, gertaturikoa ikertzen ari da fiskaltza.