Bretainia osorik bat egitea, milaka herritarren aldarria Ar Naonedeko karriketan

  • Hamabost mila inguru jende bildu da Ar Naoned-Nantes hirian (Breitainia) joan den larunbatean, ekainak 28, gaur Bretainiatik bereizita dagoen Loire Atlantique departamendua berriro Bretainiako parte izan dadin eskatuz. Frantziako Estatuak Bretainia eskualdetzat lau lurraldetan mugatu zuen 1950eko hamarkadan, bostgarrena den Ar Naonedekoa kanpo utzita. Geroztik bretainiar gehienen eskaria izan da berriro bostak elkartea, baina Parisko gobernuak berrikitan erabaki duen Frantziako Estatuaren lurralde berrantolaketa berriak ere ez du bideratu arazoa.

     


2014ko uztailaren 01an - 00:00
Azken eguneraketa: 2015-02-26 13:37:33
Ekainaren 28ko manifestazioa Ar Naonedeko karriketan. (Argazkia: @Mevena Guillouzic-Gouret)

44 = Breizh kolektiboak [44 kodeak identifikatzen du Ar Naonedeko lurraldea] antolatu du azken manifestazioa eta bertan hainbat alderdi eta talde independentista, autonomista eta kulturzaletako ordezkariek hartu dute parte, zenbait hautetsi sozialista eta UMPko barne. Bretainiako eskualde kontseiluko bi lehendakariordeak ere bertan izan dira. Manifestazioan salatu dute François Hollanderen gobernuaren barruan Manuel Valls ministroak egin duen berrantolaketak galtzen utzi duela aspaldiko aldarrikapena egia bihurtzeko aukera eta eskatu dute gaiaz herritarrei galdetu dakiela erreferendum bidez.

Irakinaldi berria ari da bizitzen Bretainia azken urteotan, joan den negu eta udaberrian txano-gorrien mugimenduek erakutsi dutenez. Urte luzez nazio nortasuna eta hizkuntza talde autonomista eta independista txikiek bakarrik eta nekezia askoren artean defenditu ostean, badirudi Bretainiaren gutxieneko eskakizunen defentsan antolatu dela mugimendu zabalagoa, establishmenteko politikari hautetsiak, burgesia bretainiarra eta mugimendu herritarrak elkartzea lortu duena.

 


Kanal honetatik interesatuko zaizu: Bretainia
2023-08-16 | Euskal Irratiak
Bretainiako herritarren %8a besterik ez da mintzo bretoieraz

220.000 biztanlek erregularki erabiltzen dute bretaindar hizkuntza. Emaitza aski arranguragarria, jakinez Bretaina historikoan 4 milioi biztanle badirela. Hori da bretaindarraren egoera gaur egun.


Aktibistak kriminalizatzea da justiziaren jolas berria Europan, galdetu Vincenzo Vecchiri

Inork oraindik Vincenzo Vecchi zein den ez badaki, has dadila bere izena ikasten. Ez da mende hasierako anti-globalizazio manifestazioetan ibilitako aktibista soila. Hamabi urtetik hona Bretainian aterpetua, italiar justiziak estraditatu egin nahi du Mussoliniren garaiko lege... [+]


2022-05-19 | Leire Artola Arin
Gaur hasiko da Bretainiako Korrika Ar Redadeg

Maiatzaren 20an hasita, 2.022 kilometro egingo dituzte Bretainian, Gwitreg herritik Gwened herriraino. Oarsoaldeako AEK-k antolatuta, ordezkaritza bat joango da hara atxikimendua ematera.


Nantes Revoltée hedabide independentea desegin nahi du Frantziako Gobernuak

Hamar urte daramatza Nantes Revoltéek informatzen, baina urtarrilean hedabidearen disoluzio prozedura abiatu du Frantziako Gobernuak. Nantes Revoltéek salatu du beren aurkako prozedurak hedabide independente oro eta informazio eskubidea mehatxatzen dituela.


Iberdrolaren ontzi batek 16 kilometroko hidrokarburo isuria eragin du Bretainiako kostan

Aeolus ontziak astelehenean eman zuen isuriaren abisua. Konpondu artean, gertaturikoa ikertzen ari da fiskaltza.


Eguneraketa berriak daude