Brasilek zigorrak iragarri ditu Espainiak neurriak hartzen ez baditu futboleko arrazakeria eteteko
Arrazakeria salatu du Espainian jokatzen duen futbolari brasildar batek, eta berak ez ezik, neurriak eskatu ditu baita Brasilgo Gobernuak ere. Justizia ministro brasildarrak gogorarazi du Zigor Kodeak baimentzen diela atzerrian bizi diren brasildarren eskubideak defendatzeko neurriak hartzea, betiere gertakarien jatorrizko lurraldean egiten ez bada.
aurre egingo dieten hedabide independenteak
Espainiako gizonezkoen futbol ligan, Real Madril taldean aritzen den Vinicius Junior jokalariak irain arrazistak jasan ditu joan den asteburuko partidu batean, Valentzian. Telebista kamerek harrapatu zuten unea eta aise zabaldu dira irudiak sareetan. Partidua amaitzean, mikrofonoen aurrean salatu zuen jokalari brasildarrak Espainian "arrazakeria" dagoela eta "jasanezina dela".
Brasilgo Gobernuaren esku hartzea
Brasilera heldu da oihartzuna. Gertakaria jazo eta ordu gutxira, ekitaldi publiko baten hasieran, Lula Da Silva presidenteak gogor gaitzetsi du futbolean ematen den arrazakeria. Babesa adierazi dio jokalari brasildarrari, eta neurriak hartzeko eskatu dio bai Espainiako futbol ligari, bai nazioarteko futbol federazioari, baita Espainiako Justiziari ere.
Presidentearen ondoren, gogorrago mintzatu da Brasilgo Justizia ministroa, Flávio Dino. Espainiak neurriak hartu behar dituela esateaz gain, gogorarazi du Zigor Kodean badagoela printzipio bat, zeinak atzerrian dauden herrikideak babestea baimentzen duen, betiere gertaera jazo den lurraldeko justiziak ez badu esku hartzen lehenago.
Bide batez, Justizia ministroak gogorarazi du nazioarteko zuzenbidean jasota dagoen printzipioa dela, eta ez dela soilik brasildarren legediak jasotzen duena; areago, Espainiako Estatuak printzipio hori ere Zigor Kodean jasota dauka.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
