BP petrolio-ustiatzaile britainiarraren aurkako epaiketa gaur hasiko da
Ia hiru urte igaro dira BP petrolio-ustiatzaile britainiarrak historiako marea beltzik handiena eragin zuenetik, eta haren aurkako epaiketa gaur bertan hasiko da, zenbait iturrik adierazi dutenez. Mexikoko golkoan eztanda egin zuen ustiategiak eragindako kalteen errudun den enpresa 17.000 milioi dolarretarainoko isuna jartzera behartu dezake epaileak.
Justiziaren eremutik at, dagoeneko BPk 24.000 milioi euro baino gehiago gastatu ditu kalte-ordainetan, AEBetako Louisiana, Alabama, Mississippi, Texas eta Floridako estatuei eta zenbait enpresa pribaturi ordaintzen, baita garbiketa lanetan ere. Arrazoi horregatik, Rupert Bondy enpresako lege-zuzendariak akusatzaile estatubatuarrak jarri nahi dion “ ’falta larria’ gehiegizko neurria” dela adierazi du. “Hainbat eragilek dute istripu tragiko honen erantzukizuna”, gehitu du zuzendariak. Enpresak salaturiko beste eragile horien artean, Transocean izeneko ustiatzaile suitzar bat dago, baita eztanda egin zuen ur-azpiko petrolio-putzuaren segurtasunaz arduratzen zen Halliburton enpresa ere.
Istripua 2010eko apirilaren 20ean gertatu zen. New Orleansetik 80 kilometrora zegoen Deepwater Horizon petrolio-plataformak eztanda egin zuen, ur azpian 4.000 metrora zuen putzutik petrolioak ihes egin ondoren. Istripuak 11 lagunen heriotza ekarri zuen, baita historian erregistratu den marea beltzik handiena ere, kontrolatzeko 87 egun eraman zituena.
Bi urte luza daitekeen epaiketa hiru fasetan garatuko da: lehenak istripuaren kausak eta erantzukizunak ikertuko ditu; bigarrenean isuritako petrolio kantitatea neurtzea izango du helburu, kalte-ordaina zehaztu ahal izateko; eta hirugarrenean, ingurumen-kalteak eta kalte ekonomikoak zehaztuko dira.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]