Bost urteko espetxe zigorra Mossoei pintura eta hautsa botatzeagatik

  • 2018an, Jusapolen aurkako manifestazio batean segurtasun indarrei "eraso egiteagatik" erruduntzat jo dute Marcel Vivet kataluniarra. Bartzelonako Audientziak "hiri gerrillatzat" jo du orduan gertatutakoa.


2021eko ekainaren 18an - 11:21
Azken eguneraketa: 13:27
Argazkia: Victor Serri / La Directa

Bartzelonako Probintzia Auzitegiak bost urteko kartzela zigorra ezarri dio gizon bati, 2018ko irailean Jusapol Espainiako polizien sindikatu eskuindarraren aurka egindako manifestazio batean Mossoei pintura eta hautsa botatzeagatik. "Hiri gerrillen" antzera jokatu zela ebatzi du tribunalak, eta hiru delitu egotzi dizkio Marcel Viventi: desorden publikoa, segurtasun indarren aurkako atentatua eta lesioak, kalte-ordainak ematera behartzeaz gain. 

2018ko irailaren 29an Jusapol sindikatuak manifestazioa egin zuen Urriaren 1eko erreferendumean Espainiako poliziek egindako lana txalotzeko. Horren aurrean hainbat elkarte independentistek elkarretaratzea antolatu zuten. Protesta hori ezagun ezin egin koloretako hautsak botaz, Indiako “holi” festaren antzera, mossoak askotariko kolorez zikindu zituztelako. Marcel Vivet Guanyem Badalona en Comú-ko zerrendako kidea zen orduan, eta mobilizazioan parte hartu zuen. 

Auzitegiak ebatzi du manifestariek —horien arten Vivetek— jaurtitako pinturaren helburua ez zela festa baten irudikapena egitea, segurtasun indarrei eraso egitea baizik: hautsekin, Poliziari ikusmena zaildu eta arnasteko arazoak eragin nahi zizkieten bertaratuek. Gainera, tribunalak azaldu du botilak eta min emateko beste hainbat objektu bota zizkietela agenteei. Vivetek bandera bat esekitzeko zeraman makilarekin, ustez, polizia bat kolpatu zuen. Berak ezeztatu egin badu ere, karguez gain, agenteari 1.512 euroko kalte-ordaina ematera behartu dute Vivet.

Salbuespenezko kasutzat jo dute

2020ko azaroan, Generalitateko Barne Kontseilari zen Miquel Sámperrek iragarri zuen akordio batera heldu zirela, Kataluniako administrazioak mota horretako akusazio gehiago ez aurkezteko. Horren arabera, manifestazioetan segurtasun indarren aurkako  akusazioak ez lirateke auzitegira helduko administraziotik. Halere, Viveten kasua salbuespenetako bat izan da, haren aurkako karguak mantendu egin baitira.

 

 


Kanal honetatik interesatuko zaizu: Katalunia
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


Mugikorretan kontrol parentala derrigortzeko legea “beharrezko baina gutxiegizko” neurritzat jo du Som Connexió-k

Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.


2024-05-29 | Karmelo Landa
Setioa

Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.

Benetan aztertzeko modukoa da gertatu dena: Espainiako botere... [+]


ERC: azaroa arteko gurutze-bidea

ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.


Eguneraketa berriak daude