Bost gurutze frankista kendu dituzte Nafarroako Gobernuaren eraikinetatik
Karlos III. Etorbideko eraikinetik kendu dira horietako lau eta beste bat Ogasunaren egoitzatik.
aurre egingo dieten hedabide independenteak
Francisco Franco diktadorearen bereizgarria izan da gurutze ereinozduna eta Nafarroako armarriari jarri zitzaion 1937an. Ordutik zenbait eraikin publikotan izan dira Nafarroako ikurrekin batera. Aldaketaren gobernua horiek erretiratzen ari da Memoria Historikoaren Legea betetzeko eta frankismoari inolako gorazarrerik ez egiteko toki publikoetan.
Nafarroako Gobernuak Memoriaren Institutuaren eta Ogasuneko eta Finantza Politikako Sailaren bitartez San Fernandoren Gurutze Ohoratua kendu du Ogasuneko bulegoetan eta Nafarroako Jauregien Bilera Aretoan zeuden Nafarroako bost armarrietatik.
Nafarroako Gobernuak erregimen frankistaren sinboloak kendu eta ordeztu ditu, memoriari buruzko politika publikoekin aurrera egin eta Sinboloei eta Memoria Historikoari buruzko Foru Legeak betetze aldera. Nafarroako Gobernuak, Nafarroako Udalerri eta Kontzejuen Federazioarekin eta tokiko hainbat erakunderekin batera, programa bat abiarazi zuen 2016an, espazio publikoa demokratizatzeko eta indarkeria gogoratzen eta goraipatzen duten sinboloak kentzeko helburuarekin.
Gurutze Ohoratuak Francisco Francok Nafarroari 1937an emandako intsigniak dira, 1936ko kolpe militarra boluntarioki babestu zuten nafarrei omenaldia egin eta esker ona emateko. Gurutze horiek Bilera Aretoaren egurrezko kasetoiduran eta Ogasuneko eta Finantza Politikako eraikinaren beiratean zeuden jarrita.
Beiratea eta kasetoidura
Artisau beiragile batek Ogasuneko Eraikinaren leiho batean dagoen beiratean aldaketak egin eta gurutzearen piezak aldatu dizkio. Bestalde, zaharberritze-lanetan espezializatuta dagoen enpresa batek Bilera Aretoko izkina bakoitza dekoratzen zuten armarriez aparte jarrita zegoen gurutzearen egurrezko piezak kendu ditu, eta kasetoiduraren pusketa horiek zaharberritu ditu. Foru Gobernua asteazkenero biltzen da Bilera Areto horretan, asteroko bilera egiteko.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]