Bost aldiz diru gehiago Jaurlaritzak 'El Diario Vasco'-ri ARGIAri baino "Interneten euskara sustatzeko"

  • Aurten ere, gaztelania nagusi den hedabide batzuek euskara hutsez direnek baino diru gehiago jasoko dute "interneten euskara sustatzeko". Hizkuntza Politikarako Sailburuordetzak banatu ditu “gaztelaniazko hedabideetan euskararen erabilera areagotzeko” 2017ko diru-laguntzak, Miren Dobaranen izenean. Diru gehien Vocento taldeko El Diario Vasco egunkariak jasoko du, 88.000 euro, bigarren Naiz-Garak 81.885 euro; eta Berriaren kopuru bertsua jasoko du El Correok: 73.000 euro. ARGIA.eus-ek aurten ere 17.444 jasoko ditu, iaz euskarazko hedabideen webguneen laguntzetan murrizketa jasan eta kopurua hiru urtetarako blokeatuta utzi ostean.

Lander Arbelaitz Mitxelena @larbelaitz
2018ko urtarrilaren 25a

Grafikoan ikus daiteke Interneten euskara sustatzeko Eusko Jaurlaritzak ematen dituen laguntzetako batzuk –euskarazko hedabideak gehiago dira–. Euskarazko diru-laguntzetatik diru gehiago jasotzen dute egunean albiste batzuk euskaraz egin arren, nagusiki gaztelaniaz aritzen diren bi hedabideren webguneek euskara hutsean egiten dituzten hedabideek baino, eta orokorrean Vocento taldeari 161.000 euro ematen dizkiote, bi egunkarien artean egunean hamar albiste euskaraz idazteagatik.

Interneten euskara sustatzeko egiten duen lanagatik ARGIAri 17.444 euro emango dizkio aurten ere Eusko Jaurlaritzak. Duela bost urte jasotako 36.494 euroen erdia da, nahiz eta urtez urte datuak hobetzen joan eta 2017an ere aurreko urteetako marka guztiak hautsi webguneko bisitari eta zerbitzatutako orri kopuruan. Iaz, ekarpenean murrizketa egin ostean, hiru urterako izoztu zituen diru-laguntzak Eusko Jaurlaritzak.

Azken urteetan erdira murriztu du Eusko Jaurlaritzak ARGIA.eus-ek jasotzen duen diru laguntza.

Sektorearekin adostu gabe aldatu zituela Eusko Jaurlaritzak diru-laguntzak emateko irizpideak eta horietan oinarritu zituela hedabide bakoitzari eman beharreko kopuruak.

Instituzioen eta hedabideen arteko harreman ekonomikoan kontutan hartzeko beste datu bat da lehenengoek zein hedabideetan zenbat publizitate jartzen duten. 2013. urtean, Iñigo Urkullu buru duen Gobernuak 5.649.112 euro gastatu zituen publizitatean eta diru horren %98 gaztelaniazko hedabideetan jarri zuen, eta %2 euskarazkoetan. Horri gehitu behar zaizkio udalek, baina batez ere Aldundiek hedabide jakin batzuei publizitate kontzeptuan ematen dizkieten ehunka milaka euro.

Eusko Jaurlaritzaren publizitatea euskarazko eta gaztelaniazko hedabideetan.
Komunitateari esker sareko apostuarekin jarraituko dugu

ARGIAk eduki guztiak euskaraz sortzen ditu, dena sarean doan kontsultagai jarriz Creative Commons lizentzia librearekin. Alegia, edonork erabiltzeko moduan iturria aipatuz gero.

“Sinesten dugu Interneten, kazetari bezala ematen dizkigun aukerengatik, eta baita euskaldun bezala egin dezakegunagatik ere. Euskaraz bizi nahi dugunok Interneten leku duina merezi dugu, eta ARGIAn buru-belarri jarraitzeko asmoa dugu horretan. Bidezkoa ez ezik, zentzukoa da denon dirua kudeatzen dutenei maila bereko apustu politikoa eskatzea”, genioen iaz Historiako emaitzarik onenen urtean, Jaurlaritzak laguntza jaitsi dio ARGIA.eus-i artikuluan.

Gainontzeko euskal hedabideak bezala, horretan ari da ARGIA ere: hiztun komunitatearen behar bati erantzuten, hizkuntzari prestigioa ematen, informazioa euskaraz jasotzeko eskubidea bermatzen, kultura sortzen eta sustatzen, hizkuntza bera berritzen...

Sarean beste hiru funtzio nagusi ere betetzen ditugu. Batetik, etengabe sortzen goazen hemerotekako altxorra bildu eta denentzat eskuragarri jartzea. Horren beste adibide bat da, esaterako, Euskal Herriko multimedia biltoki zabalena osatzen ari garela argia.eus-en, non 2.000 lanetik gora dauden gordeta. Bigarrenik, euskarazko komunitatea elikatzea. Eta hirugarrenik, Euskal Herriaren berri bitartekaririk gabe nazioartean zabaltzea: horren adibide da bi astetik behin berritzen dugun Argia English kanala edo orain bi urte Korrikari eta euskarari buruzko erreportaje bat 40 hizkuntzatara itzuli eta zabaldu izana parekorik ez duen auzolan erraldoian.

Indartu dezagun indartzen gaituena

ARGIAk aukera baliatu nahi du mahai gainean jartzeko proiektua babestu nahi dutenek aukera dutela, nahi eta ahal duten gisan egin dezaten. Elkartasunaren ideia praktikan jarriz, zenbat eta kide gehiago izan orduan eta ahalmen handiagoa izango du herri komunikabide honek kazetaritza eginez txikitik eragiten jarraitzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskarazko hedabideak  |  Hizkuntza politika

Euskarazko hedabideak kanaletik interesatuko zaizu...
Bilbo Hiria irratiak lizentziarik gabe segituko du

Patxi López lehendakari zuen EAEko Gobernuak irrati-lizentziak esleitzeko lehiaketa abiatu ostean, bertan behera utzi zuen. Irregulartasun zantzuak ziren tarteko. Zazpi urte geroago, Iñigo Urkulluren Gobernuak gaiari heldu dio: hamazazpi lizentzia esleitu ditu behin betiko. Gaztelania hutsezko proiektuak nagusitu dira, eta Bilbo Hiria irratia, euskara hutsean ari den irratia, lizentziarik gabe geratu da. Euskara hutsezko bi proiektuk zuten lizentzia lortzeko aukera eta Naiz... [+]


2019-03-04 | ARGIA
3 milioi euro gehiago jasoko dituzte herri ekimeneko hedabideek erakundeetatik

Dirulaguntza eredu berria adostu dute Eusko Jaurlaritzak, EAEko hiru foru aldundiek eta herri ekimeneko hedabideen Hekimen elkarteak. Itunak 2019-2021 urteetarako balio du.


2019-03-03 | Axier Lopez
Lander Arbelaitz Mitxelena
"Kazetaritzan garai zailak datozela dirudi"

2018ko maiatzaren 21ean, Donostiako kaleetan, ARGIAko kazetari Lander Arbelaitzek hizkuntza eskubide urraketa baten berri eman izana “iraintzat” jo dute bi ertzain erdaldunek. Ertzaintzak barkamena eskatu du egun horretan gaizki jokatzeagatik eta ARGIAk euskaltzale eta kazetarien babesa jaso du egindako lanagatik. Halere, martxoaren 20an, berriro ere, hedabide batek kazetaritzaren eta informazio askatasunaren defentsa egin beharko du epaitegietan.


2019-03-01 | ARGIA
"Egunkaria"-ren 3.789 zenbakiak sareratu ditu Berriak

Euskaldunon Egunkaria-ren hemeroteka sarean izanen da ikusgai gaur gero. 200.000 orrialde eta 3.789 zenbaki dira digitalizatutakoak.


2019-02-11 | Berria egunkaria
Rebeka Calvo, Tolosaldeko Ataria
"Bost urteotan, laukoiztu egin dira webgunean dauzkagun bisitak"

Urrian bost urte bete zituen, eta asteon 1.000. zenbakia argitaratu du 'Tolosaldeko Ataria'-k. Calvok esan du gazteengana iritsi nahi dutela, eta horretarako webgunea eta izaera multimedia indartuko dituztela.


2019-02-08 | ARGIA
'111' literatur aldizkaria argitaratzeari utziko diote, arrazoi ekonomikoengatik

Baliabide ekonomiko faltagatik, 111 literatur aldizkaria argitaratzeari utziko dio 111 Akademiak, prentsari bidalitako ohar batean jakinarazi dutenez.


2019-01-29 | ARGIA
Info7ren oinordekoak 'Naiz irratia' izena hartuko du

FM bidez zabalduko da irratia Euskal Herriko eremu zabalean. Emisio probak egiten ari dira.


2019-01-28 | Hiruka .eus
Uribe Kostako 'Hiruka' hedabidea babesteko deia egin dute

Zapatu goizean eman genion amaiera "Zu zara giltza!" HIRUKAren aldeko kanpainari, ekitaldi xume baten bidez. 50 bat lagun elkartu ziren Algortako Portu Zaharrean, komunikazio-proiektu honi babesa adierazteko asmoz, guretzat "hil ala bizikoa" izango den urte honetan. 


Prentsa irakurtzen 1919ko Iru˝ean

Iruñea, 1919ko urtarrila. Nafarroako prentsak gai nagusi bat izan zuen hizpide egun haietan: 1839an galdutako foruak berreskuratu eta estatutu baten bidez autonomia lortzeko aukera.


Kazetaritza independentea
Denon ondarea, denon esku

Ehun urte beteko ditu ARGIAk 2019an. Urte guztiotan kulturgile, idazle eta kazetari askoren lokarri izan da euskarazko kazeta dekanoa. Hedabide baten mendeurrena ez ezik, euskal prentsaren bilakaera guztia ospatu eta aitortzeko urtea da beraz. ARGIAk ibilbide horretan sorturiko ondarea herritarren esku jarriko du: bere zenbaki guztiak eta argazki artxibo historikoa digitalizatzeko proiektua abian da.


Eguneraketa berriak daude