Atxikimendu kanpaina abian, Amurrioko Udalak dirulaguntza itzuli diezaion Aiaraldea Komunikabideari

  • Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean. 

Artikulu hau CC BY-SA 3.0 lizentziari esker ekarri dugu.

2024ko ekainaren 06an - 08:10

Bi aste igaro dira Amurrioko Udalak Aiaraldea Komunikabideari diru-laguntza kendu ziola jakinarazi genuenetik. Ordutik hona entitate eta norbanako ugarik helarazi diote elkartasuna eta babesa euskararen biziberritzea helburu duen proiektu honi, eta Euskal Herriko hainbat komunikabidetan izan du oihartzuna albisteak. 

Udala, bere aldetik, ohar bat argitaratzera mugatu da, baina Aiaraldea Komunikabideko kideek analisi zabal baten bidez erantzun zioten bertan plazaratutako argudioei.

Gaur gaurkoz, tokiko erakundea ez da harremanetan jarri oraindik komunikabidearekin. Hedabideak ez du inolako jakinarazpenik jaso Udalaren partetik, apirilaren erdialdetik daramagun arren alkatearekin bilera eskatzen. 

Atxikimendu kanpaina

Aiaraldea Kooperatiba Elkarteak (Aiaraldea Komunikabidearen atzean dagoen irabazi asmorik gabeko entitateak) bilerak egin ditu azken asteetan Amurrioko bazkideekin. Batzar horietan adostu da afera honi aurre egiteko hartu beharreko bidea.

Gaur, egoera desblokeatzeko urrats bat gehiago ematea erabaki dugu, atxikimendu kanpainari hasiera emanez. Hemen irakurri eta sinatu daiteke manifestua. 

Hiru eskaera zuzen egiten dizkiogu Udalari: 

  1. Amurrioko Udalak udalerriko zein eskualdeko euskalgintzaren eragileekin elkarlana estutzea, euren aldarri eta proposamenak babestea eta horietan aktiboki parte hartzea, modu horretan, euskararen biziberritzean eragile aktibo bilakatzeko.
  2. Amurrioko Udala Aiaraldea Komunikabidearekin biltzea, bi entitateen arteko elkarlana berriz martxan jarri eta normalizatzeko.
  3. Amurrioko Udalak Aiaraldea Komunikabideari azken hamabi urteetan eman dion diru-laguntza berrezartzea eta babes ekonomiko horren zenbatekoa eguneratzea, eskualdeko gainontzeko udalek egiten duten ekarpenarekin parekatuz.

Eskualdeko norbanako eta elkarte zein eragile orori luzatzen diogu manifestuarekin bat egin eta atxikimendua helarazteko gonbita. 

Agerraldi herritarra ekainaren 21ean

Manifestuari lotuta, hitzordu bat ere jarri dugu mahai gainean. Agerraldi herritarra deitu du Aiaraldea Komunikabideak ekainaren 21ean (ostirala), 19:30ean Juan Urrutia plazan, Amurrioko Udaletxearen aurrean. Aiaraldea osoko baina, bereziki, Amurrioko elkarte eta norbanako guztiei luzatzen diegu bertaratzeko gonbita, euren taldearen bereizgarriren batekin. 


Kanal honetatik interesatuko zaizu: Euskarazko hedabideak
Euskalerria Irratiaren izenean kontu faltsu bat sortu dute instagramen, iruzurra egiteko

Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]


ETBk 40 urte
Ardatz bertikala, erabakien adierazle

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]


2024-04-02 | ARGIA
Arrosa sareak Basaburuan egingo ditu aurtengo topaketak, Esan Erran irratiaren eskutik

Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]


2024-03-04 | ARGIA
Hekimenek konpromisoak eskatu dizkie erakunde publikoei euskarazko hedabideak garai berrietara egokitzeko

Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.


Eguneraketa berriak daude