Booktegik jaialdia egingo du urriaren 22an, egitasmoaren bosgarren urteurrena ospatzeko
Bost urteko ibilbidea ospatuko du Booktegik urriaren 22an, eta horretarako Booktegi Jaialdia antolatu dute Usurbilen. Bertan parte hartuko dute herriko zein Euskal Herriko kulturzaleek. Egindako bidea ospatzean dute jarrita arreta, baita etorkizunean ere: bazkideen bila dabiltza.
2017an sortu zuten Booktegi, eta ordutik 266 liburu, 125 audio-liburu eta 115 bideo argitaratu dituzte, besteak beste. Bost urte oparo horiek ospatzeko, urriaren 22an Booktegi Jaialdia egingo dute Usurbilgo Sutegi Kultur Etxean.
Egitarau oparoa antolatu dute goizean goizetik hasita. 10:00etan emango zaio irekiera jaialdiari, herriko Noaua elkarteak eta Usurbilgo liburutegiak gidatutako poesia-itzulerarekin. Ostean, Booktegiko Elkarri irakurriz atalerako ipuinak sortu dituzten idazleekin egunean zehar egingo diren hiru solasaldietako lehenari emango zaio hasiera, eta bertan parte hartuko dute Itziar Ugartek, Oihana Arana Cardenalek, Ibon Larrazabalek eta Amaia Arakistainek. Ostean, Udarregi ikastolako ikasleek ipuinak eta antzerki lanak interpretatuko dituzte. Bazkaltzeko tartearen ondoren, Habiak diska joko du zuzenean Anarik, eta amaitutakoan eguneko bigarren solasaldiari ekingo diote Edorta Jimenez, Maite Darceles, Danele Sarriugarte eta Bakartxo Iguaranek. Iraia Eliasek eta Hatxek hartuko diete lekukoa, Harkaitz Canoren Azken aurreko manifestua interpretatzeko. Ostean, hirugarren solasaldiak mahai bueltan bilduko ditu Asel Luzarraga, Irati Majuelo, Aitziber Etxeberria Garro eta Ana Galarraga. Uxue Alberdik eta Amorantek emango diote jaialdiaren itxiera, Booktegiren urteurrena ospatzeko idatzi eta konposatutako Meza Nagusiarekin.
Itxaro Borda izango da jaialdiko anfitrioia, Xabi Strubellek jarriko dio musika egunari, eta aipatutakoaz gain Habiak erakusketa ere egongo da ikusgai. Antolatzaileek jakinarazi dutenez, sarrerak nola eskuratu irailean ezagutaraziko dute, eta jaialdia bideoan jasoko da, bertaratzeko aukerarik ez duenak jaialdiaz gozatu dezan.
Bazkide bila
Bestelako berririk ere eman dute egitasmoaren bultzatzaileek: "Euskal gizarteak eman dion harrera ikusita, aurrerantzean proiektua gidatuko duen erakundea sortu dugu: Booktegi Kultur Elkartea". Elkartearen egitekoetako bat izango da bazkideak bilatzea. "Egitasmoaren helburua euskaraz irakurtzeko eta idazteko zaletasuna bultzatzea da, eta horrekin bat datozen lagun guztiak ongi etorriak izango dira elkartean". Bazkideei diru-kopuru bat ordaintzea eskatuko zaie, eta bazkideak berak erabakiko du zenbateko ekarpen ekonomikoa egin. Bazkide egiten direnek modu aktiboan parte hartu ahalko dute "ideiak eta proposamenak emanez, eta, nahi izanez gero, lan batzuekin lagunduz", Booktegirentzat berariaz idatzi diren hitzaurreen bilduma eskuratuko dute, hiru hilabetero jasoko dute buletina, zozketetan esku hartuko dute eta Booktegiren emanaldietarako sarrerak eskatzeko lehentasunezko aukera izango dute.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]
Ekainaren 21ean jasoko du saria artista donostiarrak, Viktoria Eugenia antzokian, eta kontzertua emango du jarraian.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Zer nolako harremana dugu heriotzarekin? Zer nolakoa helduek, zer nolakoa haurrek? Adinean gora egin ahala nola aldatzen da heriotzarekiko dugun begirada? Eta nola hitz egin heriotzaz haurrekin?
Bai, gai tabua bada ere, hitz egin dezagun heriotzaz. Hirugarren saio honetan... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.
Izaki Gardenak
Noiz: apirilaren 20an.
Non: Iruñeko Gazteluko Plazan.
-----------------------------------------------
Ordu erdia baino ez da falta Iruñeko Gazteluko Plazan kontzertua hasteko; baina erdi hutsik da oraindik, euria ari baitu. Porlanezkoa nahiz ez den,... [+]
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Ekintza sorta ugariko bi eguneko egitaraua eduki dute bertaratu diren irakurleek: besteak beste, liburu azoka, ikuskizunak, tailerrak eta mahai-inguruak izan dituzte. Maider Elcano koordinatzailearen ustez, Biltzarraren indarra idazleei eta sortzaileei lekua ematen dien... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]