Espainiako Barne sailaren aurrekontua gora, bizkartzain kopurua behera

  • 100 milioi eurotan gutxitu du Espainiako Barne sailak bizkartzainen aurrekontua, lau urtetan. Barne sailaren aurrekontuak, baina, %1,2 egin du gora. Gorakada polizia eta guardia zibilen lan baldintzetan islatuko da; biek ala biek, soldata eta aparteko sariak mantenduko dituzte datorren urtean.


2013ko urriaren 09an - 00:00
Azken eguneraketa: 2015-02-26 13:37:33
Hiru bizkartzain, Donostian

2009tik gaur egun arte, 100 milioi euroko murrizketa egin du Gobernuak bizkartzainen zerbitzuetarako bideratutako aurrekontuetan.  Orain dela lau urte, 136 milioi euro gastatzen zituen; egun, 35 milioi euro bideratzen ditu.

Espainiako segurtasun idazkari Francisco Martinezek ETAren jardun armatuaren etenari atxiki dio murrizketa.

Poliziak eta guardia zibilak, abantaila duten funtzionarioak

Langile publikoek soldata izoztuta izango dute 2014an ere, laugarren urtez jarraian. Bestalde, oraindik ez dago argi zer pasako den aparteko sariekin. Rajoyk esan du funtzionarioek paga gehigarriak edukiko dituztela.

Saria emateko eskumena, aldiz, ez da soilik Gobernuarena; tokian tokiko gobernuek ere erabaki dezakete paga eman edo ez. Ondorioz, funtzionario batzuek ez dute aparteko saririk izango, administrazioek hala erabakiz gero. Hori da Kataluniako eta Andaluziako langile publikoen kasua, adibidez.

Polizia eta guardia zibilen soldatak, baina, mantenduko direla esan du segurtasun idazkariak. izan ere, Espainiako Gobernuaren eskumena baino ez da polizia eta guardia zibilen soldataren kudeaketa.

Sail askotan murrizketak, baina barne sailean aurrekontuak gora

Barne sailaren aurrekontua %1,2 handituko da, aurtengo aurrekontuekin alderatuz. Beste sail batzuetan murrizketa handiak egingo dituzte. Osasun, gizarte zerbitzu eta berdintasun saila da kaltetuena, %6,6 gutxituko da datorren urteko aurrekontua, 2013 urtekoarekin konparatuz gero.


Kanal honetatik interesatuko zaizu: Guardia Zibila
Tarajalgo sarraskitik 10 urtera, genozidio isila Atlantikoko mugan

Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]


Tarajalgo sarraskiak 10 urte: "Bizirik irten zirenak berriz kriminalizatu dituzte”

Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]


Torturengatik kondenatutako Sánchez Corbí guardia zibilari Zilarrezko Gurutzea eman dio Espainiako Barne Ministerioak

Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]


Espainiako Estatua zazpigarren aldiz aztertuko du NBEko torturaren aurkako batzordeak

Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.


2023-06-02 | Hala Bedi
Waldo, Eguzki
"Gladys bezalakoei esker, gaur egun ez dugu nuklearrekin arazo larri bat Euskal Herrian"

"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.

 


Eguneraketa berriak daude