Emakume bizkaitar bat hil dute Castro Urdialesen
13 eta 15 urteetako semeak atxilotu dituzte hilketaren egileak izan direlakoan. 48 urte zituen emakumeak eta Bilboko Gurutzetako ospitalean egiten zuen lan.
48 urteko emakume bat hil dute Castro Urdialesen bortxaz. Bizkaitarra zen eta Gurutzetako ospitalean egiten zuen lan. Bere gorpua auto batean agertu da, indarkeria zantzuekin eta ahoa estalita. Semeetako batek 13 urte ditu eta zentro batean sartu dute. Besteak ordea, 15 urte ditu eta atxilotu egin dute. Adingabeen Fiskaltzaren aurretik igaroko da datozen orduetan.
Gorpua etxebizitza bateko garajean aparkatuta zegoen auto baten barruan topatu dute asteazkenean. Bertan bizi ziren ama-semeak.
Albiste agentziek informatu dutenez, bart iluntzean bi semeek amonari deitu zioten telefonoz, eta “bahituta” zeudela esan zioten. Amonak, Guardia Zibilari deitu zion. Eta hauek 21:00etan iritsi ziren autoa eta emakumearen gorpua aurkitu zituzten.
Castro Urdialesko Udalak hiru dolu egun ezarri ditu, eta bertan behera utzi ditu asteburu honetarako inauteri ospakizunak. Minutu bateko isilunea ere egin dute gaur, otsailak 8, 13:00etan, udaletxe aurrean. “Gertakari hau tragikoa da”, adierazi du Susana Herran alkateak. Jakinarazi du gizarte zerbitzuetan ez dagoela adingabeei lotutako salaketarik, eta mutilak ez zirela “gatazkatsuak”. Gainera, Udalaren eta herritarren elkartasuna helarazi die hildakoaren senideei, eta errespetua eskatu du ama-semeentzat.
Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]
Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]
Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.
Mario Lopezek lau herritarri jarritako salaketa artxibatu egin du epaileak. Sare sozialak eta kaleak protestaz bete ziren, saskibaloi jokalari batek salatu zuenean Lointek Gernikako kirol entrenatzaile Mario Lopezek sexu gehiegikeriak egin zizkiola. Bueltan, Lopezek lau... [+]
Bilbora etorri zen apirilean, idazketa sendatzaileei buruzko hitzaldi bat ematera, EHUko Ikerketa Ereduak eta Arloak Gizarte Zientzietan masterrak gonbidatuta. Bazuen zer esanik: soziologia eta historia ikasitakoa, artxiboa baliatzen du idazteko, eta bere ahizparen bizitza eta... [+]