Bizitzaren garestitzeak etenik ez: argindarra, gasa, udal zergak eta autobideak, garestiago

  • Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.


2024ko urtarrilaren 02an - 10:13
Azken eguneraketa: 12:20

Urte berriarekin batera, erakundeek berrikusi egin dituzte zergak eta neurriak. Puntuz puntu aztertuko ditugu Hego Euskal Herriko herritarren poltsikoetan izango duen eragina.

Argindarra eta gasa

Datorren astean, urtarrilaren 11n iraungiko da Espainiako Estatuak argindarraren eta gasaren BEZari ezarritako neurri mesedegarria. Argindarraren kasuan, %5etik %10era pasatuko da –2021eko ekainera arte %21ean egon da–. Gasaren BEZa, berriz, %10etik %21era igoko da era progresiboan, apirilera bitartean.

Udal zergak

Udal gobernu bakoitzak berrikusi ditu berari dagozkion zergak. Hiriburuen artean, zereginak egiteko falta dena Iruñea da. Zentsura mozioaren eraginez, datorren urterako udal zergak onartzeko plenoa bertan behera utzi zuen Cristina Ibarrolak, eta iradoki alkate berriari dagokiola erabaki horiek hartzea.

Gasteiz izango da zergak igoko ez dituen hiriburu bakarra; izan ere, udal gobernuak %3ko igoera proposatu bazuen ere, ez du nahikoa babes lortu neurria onartzeko. Hiriburuen artean, Donostiak igo ditu gehien zergak: ura, saneamendua, zaborrak eta TAO %5 garestitu dira, eta Ondasun Higiezinen Gaineko Zerga eta Ibilgailuena %4. Bilbon, bestalde, tasa guztiak %3 garestitu dituzte.

Bizkaian, nabarmentzekoa da uraren prezioak izan duen igoera. Ur Partzuergoak erabakita, %9 garestitu da tarifa.

Autobide guztiak ere garestiago

Urtarrilaren 1ean hasi dira igoerak aplikatzen autobide guztietan. Bakoitzak bere tarifa igoera izan du; denak %5 eta %6,65 garestitu dira.

Esaterako, Gasteiz-Bilbo autobidearen bidesaria 25 zentimo garestitu da; 6,5 euro balio ditu orain.

 


Kanal honetatik interesatuko zaizu: Ekonomia krisia
Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


2023-10-25 | ARGIA
Pello Zubiriaren ‘Planeta Prekarioan’ liburua argitaratu du ARGIAk, XXI. mendeko krisi eta erresistentzien kronikak

Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]


Eguneraketa berriak daude