Argindarraren prezioa %20 garestitu daiteke urtarrilean Hego Euskal Herrian
Espainiako Gobernuak ezarritako zerga jaitsieren neurria iraungi egingo da urte honen amaieran.
Presazko dekretu batez onartzen ez bada, aurreikus daiteke argindarraren prezioa %20 garestituko dela urte berria hastearekin batera Araba, Bizkaia, Gipuzkoa eta Nafarroan. Izan ere, gaurko egunez, argindarrari loturiko bi zergetan murrizketak aplikaturik daude, baina neurriaren indarraldia iraungi egingo da abenduaren 31n.
Hain zuzen ere, argindarraren BEZa %5ekoa da une honetan, baina salbuespen neurririk ezean, historikoki, %21ekoa da. Zerga elektrikoa deritzona, bestalde, %0,5ean dago gaur egun, baina atzera ere %5,11ra igo daiteke.
2021eko ekainetik, salbuespenetan
Argindarraren prezioaren garestitze basatia ez da gaur goizeko notizia. Espainiako Gobernuak duela ez hain gutxi hartu zituen lehenbiziko neurriak, 2021eko ekainean. Orduko hartan, BEZaren portzentajea %21etik %10era jaitsi zuen 10kw edo gutxiagoko kontratua zuten guztientzat. Gero, 2022ko ekainean, %10eko hori %5era murriztu zuen, eta aldi berean zerga elektrikoaren portzentajea %5,11etik %0,5era.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Iruñeko Udalak 324.885 eurora handitu du Gabonetako argietara bideratutako aurrekontua. Azaroaren amaieran –San Saturnino egunaren bueltan– piztuko dituzte, eta urtarrilaren 6an itzali.
Batez beste 209 euro aurreztu dira etxebizitza bakoitzean, ESADEk egindako ikerketaren arabera.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]
