Bizilagunen garaipena Murtzian: lehen unetik lur azpitik hasiko dira eraikitzen AHT eta lanak aurreratuko dituzte

  • Etengabeko protesten ostean, entzunak izan dira murtziarren eskaerak: azaroaren 15ean hasiko dira lur azpiko trenaren lanak.


2017ko urriaren 11n - 10:41
Hilabetez, egunero egin dituzte protestak Murtzian. (Argazkia: EFE/Marcial Guillén).

Neurriak ez du eragotziko hiria bitan banatuko duen harresia eraikitzea, ezta trena bere osotasunean lur azpikoa izatea ere. Hala eta guztiz ere, “Pro-soterramiento Murcia” plataformak begi onez jo du erabakia, baina zuhurtziaz jokatzeko unea dela esan du.

Herritarren protestek eragina izan dute Murtziako AHTan: uste baino lehenago hasiko dira AHTaren sarbidearen lanak, eta trenbide pasagune berri bat eraikiko dutela esan du Adifeko presidenteak. Lanak iraun bitartean,  bi igarobide izango dira bide osoan.  AHT lur azpikoa izateko lehen urratsa izan daitekeen arren, lanek gainazaletik jarraitu beharko dute denborak aurrera egin ahala, hasierako proiektuan AHT gainazaletik izango dela zehazten baitu.

“Pro-soterramiento Murcia” plataformak onartu egin du proiektuaren jarraipen batzordeko kide izatea. Elkarrizketaren unea dela azpimarratu du bizilagunen taldeak. Hala ere, lanak hasi bitartean eta hauek izan ditzaketen ondorioak aztertu aurretik, protestekin jarraituko dute. Hurrena, urriaren 28an izango da, Espainiako gobernuko Sustapen ministerioaren egoitzan, Madrilen. Europako Eskaeren Batzordeak tramitera onartu ditu bizilagunen eskaerak eta egoera aztertuko duela esan du.


Kanal honetatik interesatuko zaizu: Murtzia
2020-08-03 | Mikel Eizagirre
Jornalari bat hil da Murtzian, bero handiko egunetan lan eginarazteagatik

Behargina Murtziako Lorca herriko osasun zentro batean abandonatu zuten, bero-kolpeak jota. Guardia Zibilak lursailetako nagusia atxilotu du, langileen eskubideen aurkako delitua egotzita.


2020-07-06 | Mikel Eizagirre
Murtzia II espetxera martxa antolatu du Amnistiaren Aldeko Mugimenduak

Euskal preso politikoen egoera salatzea eta “horren arduradunak seinalatzea” dute helburu. Horretarako, uztailaren 10ean 21:00tan autobusa abiatuko da Bilboko Plaza Zirkularretik. Lopidanatik, aldiz, 22:00etan irtengo da.


2020-05-22 | ARGIA
Murtziako ospitale batera eraman dute Patxi Ruiz

Ostegun gauean Patxi Ruiz presoa Murtziako Virgen de Arrixaca ospitalera eraman zutela jakinarazi du Amnistiaren Aldeko eta Errepresioaren Aurkako Mugimenduak. Ruizen familia Murtzian dago, eta bere konfiantzazko medikua bidean da.


2020-05-15 | ARGIA
Gose greba hasi dute lau lagunek Ondarroan, Patxi Ruiz presoari elkartasuna adierazteko

Patxi Ruiz preso politiko iruindarraren egoera salatu eta elkartasuna adieraztekoo gose greba hasi dute lau lagunek Ondarroan. Presoak Murtzia II espetxean jarraitzen du astelehenetik hasitako gose eta egarri grebarekin.


2020-05-11 | ARGIA
Patxi Ruiz presoak gose eta egarri greba hasi du kartzelazainen mehatxuak salatzeko

Murtzia II espetxean dagoen Iruñeko preso politikoak mehatxuak salatu zituen funtzionarien partetik, maiatzaren 9an presoek euren egoeragatik protestatzeko egindako elkarretaratze baten ondoren. Hori dela-eta bere buruari zauriak egin zizkion beso batean eta astelehenean... [+]


Eguneraketa berriak daude