Murtzia II espetxean dagoen Iruñeko preso politikoak mehatxuak salatu zituen funtzionarien partetik, maiatzaren 9an presoek euren egoeragatik protestatzeko egindako elkarretaratze baten ondoren. Hori dela-eta bere buruari zauriak egin zizkion beso batean eta astelehenean gose eta egarri grebari ekin dio.
Amnistiaren Aldeko eta Errepresioaren Aurkako Mugimenduak (AAEAM) jakinarazi duenez, Patxi Ruiz euskal presoak gose eta egarri greba hasi du Murtziako espetxean, egunotan bizi izan dituen egoera eta mehatxuengatik protesta egiteko.
Covid-19aren krisia argudiatuta presondegian egin diren eskubide murrizketak salatzeko elkarretaratzeak egin dituzte presoek; maiatzaren 9an horietako batean parte hartu ondoren, funtzionarioek eta espetxeko zuzendari eta segurtasun arduradunek mehatxatu egin zuten, honen esanetan. Mobilizazioen "burua" izatea egozten zioten euskal presoari eta "ondorioak sufrituko zituela".
"Mehatxu horien aurrean defendintzeko Patxik zauriak egin zituen besoan", dio AAEAMek –abenduaren 31n protesta molde bera erabili zuen espetxezainen jarrera salatzeko–, eta herizaindegian medikuak lasagarriak ukatu eta emandako tratu eskasaren ondoren, gose eta egarri grebari ekin dio astelehenean.
"Egoera oso larria da, gose eta greba baten aurrean gopurtzeko organuek laugarren edo bosgarren egunetik aurrera huts egiten hasten baitira. Exijitzen dugu Patxiren kontrako erasoak amaitu eta Murtziako espetxeko 8. moduloko presoen eskaerei jaramon egin diezaietela, azaldu du mugimenduak.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.