Bizikleta martxa egingo dute Lodosatik Iruñera euskararen legea salatzeko
Bertsokletak Euskal Herriko zazpi bertso eskola lotuko ditu bizikletaz. Euskaraz Bizi eta Ikasi plataformen babesa dauka ekimenak eta Nafarroan euskarak bizi duen egoera salatzeko baliatu nahi dute.
Martxan parte hartuko duen Oscar Saenzek Berrian adierazi du Nafarroako eremu ez-euskaldunean gertatzen dena salatu nahi dutela ekimenaren bidez: “Eremu ez-euskaldunean hainbat kilometrotako bidaiak egin behar izaten dituzte neska-mutilek euskaraz ikasi ahal izateko”.
Datorren larunbatean, hilaren 19an, Lodosatik abiatuko da martxa eta hilaren 25ean, ostiralean, Iruñera iritsiko dira. Tartean Euskal Herriko herrialde guztiak bisitatuko dituzte txirrindulariek: Agurain (Araba), Markina-Xemein (Bizkaia), Lasarte-Oria (Gipuzkoa), Senpere (Lapurdi), Urdiñarbe (Zuberoa) eta Baigorri (Nafarroa Beherea) herrietatik pasatuko da Bertsokleta.
Egun bakoitzeko etaparen amaieran, tokian tokiko bertso eskolak saio berezia antolatuko du: “Bertso eskola bakoitzak nahi duen forma emango dio bere saioari”, adierazi du Saenzek.
Herritarrei parte hartzeko eskatu diete Bertsokletako txirrindulariek. Ahalik eta jende gehienak proiektua babestea da helburua, euskararen eta euskaraz bizi eta ikasteko eskubidearen alde ahalik eta multzorik handiena osatzea.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Lokizaldeako Euskararen Egunaren barnean Korrika Txikiak zeharkatu ditu Iturriagako inguruneak. Urteak direla hasi ziren eguna ospatzen, eremu ez-euskaldunean kokatuta zegoen eskualdean Korrikaren kilometroak erosteko. Giro ederrean gozatu dute egun osoko egitaraua.
