Bixintxo Bilbao pilotariari zigorra kendu dio Nazioarteko Federazioak

  • Munduko pilota txapelketako sari banaketan ikurrina erakusteagatik Bixintxo Bilbao ziburutarrari jarritako isuna, kendu egin dio Nazioarteko Pilota Federazioak.


2019ko otsailaren 28an - 09:15
Bixintxo Bilbao Frantziako Selekzioko euskal kideekin Trinketeko Munduko Txapelketako urrezko dominak Mexikoko selekzioaren aurka irabazi ondoren. Argazkia: Marie-Claude Delbos.

Ikurrina arauz kanpoko bandera dela argudiatuta, urtebetez nazioarteko txapelketetan aritzeko debekua ezarri zioten Bilbaori. Orain, baina, Nazioarteko Federazioak bertan behera utzi du.

Federazioko presidente Xabier Cazabounek gutun batean azaldu duenez, "erabaki pertsonala" izan da. Plazaratutako oharrean eskerrak eman dizkie Espainiako Pilota Federazioko presidente Julian Garcia Angulori eta Euskal Kirol Federazioen Batasuneko aholkulari juridiko Juan Carlos Sotori. Bestalde, egunotan jasotako "berbazko eta idatzizko mehatxuak" salatu ditu Cazaubonek: "Ezerk ezin du justifikatu idatziko indarkeria, iraina, deskalifikazioa eta gezurra erabiltzea pilotaz ari garela, eta are gutxiago, kirolaren baloreetatik urrun dauden lorpenak jomuga, helburu politikoekin aritzea".


Kanal honetatik interesatuko zaizu: Pilota
2024-02-15 | Estitxu Eizagirre
Irabazi eta galdu

Txikitatik bizi dugu lehia gizarte honetan: umetan haurren arteko jolasetan, heldutakoan bizitzako eremu guztietan –batzuetan kontzienteki onartzen dugu jokatzea eta bestetan nahi gabe erortzen gara lehia dinamiketan–. Agian horregatik dira kirolariak gizarte... [+]


Eguneraketa berriak daude